മലബാറിന്റെ വിനോദസഞ്ചാര സാധ്യതകൾ ഉയർത്തിക്കാട്ടി മാതൃഭൂമി 'ഗേറ്റ് വേ ടു മലബാർ' ടൂറിസം കോൺക്ലേവ്

മലബാറിന്റെ വിനോദസഞ്ചാരസാധ്യതകൾ ലോകത്തിനു മുൻപിൽ അവതരിപ്പിച്ചുകൊണ്ട് മാതൃഭൂമി ഒരുക്കുന്ന 'ഗേറ്റ് വേ ടു മലബാർ ടൂറിസം കോൺക്ലേവ് ' കോഴിക്കോട് ദി റാവിസ് കടവിൽ നടന്നു. രാജ്യത്തിന്റെ വിവിധ ഭാഗങ്ങളിൽനിന്നുള്ള ടൂറിസം മേഖലയിലെ വിദഗ്ധരും സംരംഭകരും പങ്കെടുക്കുന്ന കോൺക്ലേവ് ടൂറിസം മന്ത്രി പി.സി. വിഷ്ണുനാഥ് ഉദ്ഘാടനംചെയ്തു. കേരള ട്രാവൽ മാർക്ക് മാതൃകയിൽ മലബാർ ട്രാവൽ മാർക്ക് സംഘടിപ്പിക്കുമെന്ന് മന്ത്രി പറഞ്ഞു.

വലിയ വ്യവസായങ്ങൾക്കോ അതുവഴി തൊഴിലവസരങ്ങൾ സൃഷ്ടിക്കുന്നതിനും കേരളത്തിന് പരിമിതിയുണ്ട്. കേരളത്തിൽ ടൂറിസത്തിന്റെ പ്രാധാന്യം ഇവിടെയാണെന്നും മന്ത്രി ചൂണ്ടിക്കാട്ടി.

പരിപാടിയിൽ മാതൃഭൂമി മാനേജിങ് ഡയറക്ടർ എം.വി. ശ്രേയാംസ്‌കുമാർ ആമുഖഭാഷണം നടത്തി. കേരളം യഥാർത്ഥത്തിൽ ദൈവത്തിന്റെ നാടാണെങ്കിലും തന് അതിനെ എങ്ങനെ ഉപയോഗപ്പെടുത്താൻ കഴിയുമെന്ന് നമ്മൾ ചിന്തിക്കണമെന്ന് എം വി ശ്രേയാംസ് കുമാർ പറഞ്ഞു.

മലബാറിന്റെ ടൂറിസം എങ്ങനെ വികസിപ്പിക്കണം എന്നത് സംബന്ധിച്ച് കേന്ദ്ര ടൂറിസം മന്ത്രാലയം ജോയിന്റ് സെക്രട്ടറി എസ്. ഹരികിഷോർ മുഖ്യപ്രഭാഷണം നടത്തി.

മികച്ച ടൂറിസത്തിനായി മലബാറിന്റെ വികസനമാതൃക, മലബാർ ഡെസ്റ്റിനേഷൻ വിവാഹങ്ങളുടെ വേദി , മലബാറിന്റെ ജല -ഉൾനാടൻ ടൂറിസം തുടങ്ങി വിവിധ വിഷയങ്ങളിൽ പ്രത്യേകം ചർച്ചകൾ നടന്നു

മലബാർ ഗ്രൂപ്പ് ഓഫ് കമ്പനീസ് ചെയർമാൻ എം പി അഹമ്മദ്, ആർ പി ഗ്രൂപ്പ് കമ്പനി അഫയേഴ്‌സ് ഹെഡ് ആൻഡ് വൈസ് പ്രസിഡന്റ് ആശിഷ് നായർ, ഫിക്കി കെ ഇ എസ് സി ടൂറിസം സബ് കമ്മിറ്റി ചെയർമാൻ യുസി റിയാസ്, മലബാർ ഹോസ്പിറ്റൽ മാനേജിംങ് ഡയറക്ടർ ഡേ മിലി മോണി തുടങ്ങിയവർ സംസാരിച്ചു. മാതൃഭൂമി ചെയർമാൻ ആൻഡ് മാനേജിംഗ് എഡിറ്റർ ടിവി ചന്ദ്രൻ സ്‌നേഹോപഹാരം നൽകി.

മലബാർ ഗോൾഡ് ആൻഡ് ഡയമണ്ട്സാണ് പരിപാടിയുടെ മുഖ്യ സ്‌പോൺസർ. ദ റാവിസ് ഹോട്ടൽസ് ആൻഡ് റിസോർട്സ് പവേഡ് ബൈ പാർട്ണറും മലബാർ ഹോസ്പിറ്റൽസ് അസോസിയേറ്റ് പാർട്ണറും ഫിക്കി സാങ്കേതിക പാർട്ണറുമാണ്