ഫുഡ്‌ വ്ലോഗർ രാഹുൽ എൻ. കുട്ടി മരിച്ച നിലയിൽ

സാമൂഹികമാധ്യമങ്ങളിൽ വൈറലായ 'ഈറ്റ് കൊച്ചി ഈറ്റ്' എന്ന ഫുഡ് വ്ലോ​ഗിം​ഗ് കൂട്ടായ്മയിലെ പ്രമുഖ വ്ലോ​ഗർ രാഹുൽ എൻ. കുട്ടിയെ മരിച്ച നിലയിൽ കണ്ടെത്തി. ശനിയാഴ്ച രാത്രി തൃപ്പൂണിത്തുറയിലെ വീട്ടിലാണ് മരിച്ച നിലയിൽ കണ്ടെത്തിയത്. 

കൊച്ചിയിലെ വ്യത്യസ്തങ്ങളായ ഭക്ഷണങ്ങളും ഹോട്ടലുകളും പരിചയപ്പെടുത്തുകയും ചർച്ച ചെയ്യുകയും ചെയ്യുന്ന ഓൺലൈൻ പ്ലാറ്റ്ഫോമാണ് 'ഈറ്റ് കൊച്ചി ഈറ്റ്'. സംഭവത്തിൽ പോലീസ് അന്വേഷണം ആരംഭിച്ചു.