റോബോട്ട് ആനയെ നടയിരുത്താനൊരുങ്ങി ഇരിഞ്ഞാടപ്പിള്ളി ശ്രീകൃഷ്ണക്ഷേത്രം
ഇരിങ്ങാലക്കുട: ക്ഷേത്രങ്ങളിൽ എഴുന്നള്ളിപ്പിന് തിടമ്പേറ്റാന് ഇനി ഇരിഞ്ഞാടപ്പിള്ളി രാമനും. ഇരിഞ്ഞാടപ്പിള്ളി ശ്രീകൃഷ്ണ ക്ഷേത്രത്തിൽ നടയിരുത്തുന്ന റോബോട്ട് ആനയാണ് ഇരിഞ്ഞാടപ്പിള്ളി രാമനെന്ന ലക്ഷണമൊത്ത ഈ ഗജവീരൻ. ക്ഷേത്രങ്ങളിൽ ആനയെ നടയിരുത്തുന്നത് ഒരുപാട് കേട്ടിട്ടുണ്ടെങ്കിലും ഇതിന് വിഭിന്നമായി ഒരു റോബോട്ട് ആനയെ ക്ഷേത്രത്തിൽ നടയിരുത്തുന്നത് ആദ്യമായിട്ടാണ്. കല്ലേറ്റുംകര ഇരിഞ്ഞാടപ്പിള്ളി ശ്രീകൃഷ്ണ ക്ഷേത്രത്തിലേയ്ക്ക് ഒരുകൂട്ടം ഭക്തർ സംഭാവനയായിട്ടാണ് രാമനെന്ന റോബോട്ട് ആനയെ നടയിരുത്തുന്നത്.