SIR വഴി പട്ടികയിൽ നിന്ന് പുറത്താകുന്നവരുടെ ലിസ്റ്റിൽ നിങ്ങളുണ്ടോ? പേരില്ലെങ്കിൽ എന്തുചെയ്യും?|HOW TO

എസ്ഐആർ വഴി പട്ടികയിൽ നിന്ന് പുറത്താകുന്നവരുടെ വിവരങ്ങൾ തിരഞ്ഞെടുപ്പ് കമ്മിഷൻ പ്രസിദ്ധീകരിച്ചിട്ടുണ്ട്. നിങ്ങളുടെ പേര് ആ പട്ടികയിലുണ്ടോ? എങ്ങനെ ഇത് പരിശോധിക്കാമെന്നും വോട്ടർ പട്ടികയിൽ പേര് ഉൾപ്പെട്ടിട്ടില്ലെങ്കിൽ എന്താണ് ചെയ്യേണ്ടതെന്നും നോക്കിയാലോ.

https://www.ceo.kerala.gov.in/asd-list എന്ന ലിങ്കിൽ കയറി നിങ്ങളുടെ ജില്ല, നിയമസഭാ മണ്ഡലം, പോളിങ് സ്റ്റേഷൻ എന്നിവ തിരഞ്ഞെടുക്കുക. ശേഷം DOWNLOAD ASD കൊടുക്കുക. ഇത് തുറന്നാൽ ഒഴിവാക്കിയ വോട്ടർമാരുടെ വിശദാംശങ്ങൾ കാണാം. ക്രമനമ്പർ, തിരിച്ചറിയൽ കാർഡ് നമ്പർ, പേര്, ബന്ധുവിന്റെ പേര്, പുറത്താക്കിയിട്ടുണ്ടെങ്കിൽ അതിനുള്ള കാരണം എന്നിവയാണ് പട്ടികയിലുള്ളത്. മരിച്ചവർ, സ്ഥിരമായി സ്ഥലം മാറിപ്പോയവർ, കണ്ടെത്താൻ കഴിയാത്തവർ, രണ്ടോ അതിൽക്കൂടുതൽ തവണയോ പട്ടികയിൽ പേരുള്ളവർ, ഫോം വാങ്ങുകയോ തിരിച്ചു നൽകുകയോ ചെയ്യാത്തവർ എന്നിവയൊക്കെയാണ് ഒഴിവാക്കാനുള്ള കാരണങ്ങളിലുണ്ടാവുക. ഫോം സ്വീകരിക്കാനോ തിരിച്ചു നൽകാനോ സാധിക്കാത്തവരുടേതിന് ഇഎഫ് എന്നായിരിക്കും രേഖപ്പെടുത്തുക.