EXPLAINED | വിലക്കയറ്റം, ഊര്‍ജ പ്രതിസന്ധി; വളർച്ചയിലേക്ക് കുതിച്ച ബംഗ്ലാദേശിന് എന്തുപറ്റി?

പുരോ​ഗതിയിൽ നിന്ന് പുരോ​ഗതിയിലേക്ക് കുതിച്ച രാജ്യം, ലോകത്ത് അതിവേ​ഗം വളരുന്ന സമ്പദ് വ്യവസ്ഥകളിലൊന്ന്, ആളോഹരി വരുമാനത്തിൽ വലിയ കുതിപ്പ്, ദക്ഷിണേഷ്യയുലെ ഏറ്റവും മികച്ച സമ്പദ് ഘടന. അക്ഷരാർഥത്തിൽ വളർച്ചയുടെ വഴിയിലായിരുന്നു ബം​​ഗ്ലാദേശ്.  എന്നാലിന്ന് സ്ഥിതി മാറി. ബം​​​ഗ്ലാദേശിനിത് അത്ര നല്ല കാലമല്ല. 15 വർഷം തുടർച്ചയായി ഭരണത്തിലിരുന്ന ഷെയ്ഖ് ഹസീന വിദ്യാർഥി പ്രക്ഷോഭത്തിലൂടെ പുറത്തായതിന് പിന്നാലെ അധികാരത്തിലെത്തിയ ഇടക്കാല സർക്കാരിന് തൊട്ടതെല്ലാം പിഴച്ചു. വിലക്കയറ്റവും സാമ്പത്തിക പ്രതിസന്ധിയും രാജ്യത്തെ നട്ടംതിരിക്കുന്നതിനിടയിലാണ് പുതിയ പ്രതിസന്ധി ഉടലെടുത്തത്. രാജ്യത്തെ ഇരുട്ടിലാക്കിക്കൊണ്ട് കുടിശ്ശികയുടെ പേരിൽ അദാനി വൈദ്യുതി വിച്ഛേദിച്ചു.

ആഭ്യന്തര സംഘർഷങ്ങളാണ് അടുത്തകാലത്ത് ബം​​ഗ്ലാദേശിനെ വാർത്തകളിൽ നിറച്ചത്. സംവരണവിഷയത്തിൽ തുടങ്ങിയ വിദ്യാർഥി പ്രക്ഷോഭം സർക്കാർ വിരുദ്ധകലാപമായി വളർന്നു. സംഘർഷത്തിൽ രാജ്യം ആളിക്കത്തിയതോടെ ഷെയ്ഖ് ഹസീനയ്ക്ക് പ്രധാനമന്ത്രി പദവി ഉപേക്ഷിച്ച്  രാജ്യം വിടേണ്ടി വന്നു. പിന്നാലെ അധികാരത്തിലെത്തിയ കാവൽ ഭരണകൂടത്തിന് കാര്യങ്ങൾ വിചാരിച്ച രീതിയിൽ മുന്നോട്ട് കൊണ്ടുപോകാൻ സാധിച്ചില്ല. ആഭ്യന്തര കലാപത്തിന് ശേഷം വലിയ പ്രതിസന്ധിയാണ് രാജ്യം അനുഭവിക്കുന്നത്. ഇതിനിടയിലാണ് രാജ്യത്തിന് വലിയ ഊര്‍ജ പ്രതിസന്ധിയും നേരിടേണ്ടി വന്നത്. 

Content Highlights: Bangladesh Power Crisis, Adani Cuts Off Electricity Over Payment Dispute