ആര്.ആര്.ആര്. ചരിത്രസിനിമയല്ല, ചിത്രം മലയാളികള് ഏറ്റെടുക്കുമെന്ന് പ്രതീക്ഷ- സംവിധായകന് രാജമൗലി
ആര്.ആര്.ആര്. സിനിമയുടെ ട്രെയിലര് മലയാളികള് ഏറ്റെടുത്തതിന്റെ സന്തോഷം പങ്കുവെച്ച് സംവിധായകന് രാജമൗലി. കേരളം ഈ സിനിമയെ ഇരുകയ്യും നീട്ടി സ്വീകരിക്കുമെന്ന പ്രതീക്ഷയും രാജമൗലി പങ്കുവെച്ചു. പ്രേക്ഷകരെ പിടിച്ചിരുത്താന് കഴിയുന്ന ചിത്രമായിരിക്കും ആര്.ആര്.ആര്. എന്നും ഇതൊരു ചരിത്ര സിനിമയല്ലെന്നും രാജമൗലി പറഞ്ഞു. രാം ചരണും ജൂനിയര് എന്.ടി.ആറും പ്രധാന വേഷങ്ങളിലെത്തുന്ന ആര്.ആര്.ആര്. ജനുവരി ഏഴിനാണ് തിയേറ്ററുകളില് എത്തുക.