ഡാറ്റാ സ്റ്റോറേജ് രംഗത്ത് കുതിച്ചുചാട്ടവുമായി സീഗേറ്റ്: പുതിയ ഉൽപ്പന്നങ്ങൾ വിപണിയിൽ അവതരിപ്പിച്ചു

ഡാറ്റാ സംഭരണ രംഗത്ത് വൻ മാറ്റങ്ങൾ ലക്ഷ്യമിട്ട് സീഗേറ്റ് ടെക്‌നോളജി പുതിയതും നവീകരിച്ചതുമായ സ്റ്റോറേജ് ഉൽപ്പന്നങ്ങൾ ഇന്ത്യൻ വിപണിയിൽ അവതരിപ്പിച്ചു. സീഗേറ്റ്, ലാസി (LaCie) എന്നീ രണ്ട് ബ്രാൻഡുകൾക്ക് കീഴിലായി പുറത്തിറക്കിയ ഈ ഉൽപ്പന്നങ്ങൾ ദൈനംദിന ഉപയോഗത്തിനും എഐ അധിഷ്ഠിതമായ ക്രിയേറ്റീവ് വർക്ക്‌ഫ്ലോകൾക്കും അനുയോജ്യമായ രീതിയിലാണ് രൂപകൽപ്പന ചെയ്തിരിക്കുന്നത്. സീഗേറ്റ് വൺ ടച്ച് ഡെസ്‌ക്‌ടോപ്പ് എക്സ്റ്റേണൽ ഹാർഡ് ഡ്രൈവ്, ലാസി 8ബിഗ് പ്രോ5 മൾട്ടി-ബേ ആർഎഐഡി (RAID) സൊല്യൂഷൻ എന്നിവയാണ് ഈ പുതിയ നിരയിലെ പ്രധാന ആകർഷണങ്ങൾ.

പ്രധാന ഉൽപ്പന്നങ്ങളുടെ സവിശേഷതകൾ:

• • സീഗേറ്റ് വൺ ടച്ച് ഡെസ്‌ക്‌ടോപ്പ് ഹാർഡ് ഡ്രൈവ്: ഇൻഡസ്ട്രിയിലെ ഏക ബസ് പവേർഡ് യുഎസ്ബി സി സൗകര്യമുള്ള ഇത് പ്രത്യേക പവർ അഡാപ്റ്ററുകൾ ഇല്ലാതെ ഒറ്റ യുഎസ്ബി സി കേബിൾ വഴി പ്രവർത്തിക്കും. 8 ടിബി, 20 ടിബി, 24 ടിബി എന്നീ വമ്പൻ സ്റ്റോറേജ് ശേഷികളിലാണ് ഇത് ലഭ്യമാകുന്നത്. നിലവിൽ ആമസോൺ, ഫ്ലിപ്‌കാർട്ട് എന്നിവ വഴി 49,999 രൂപ എംആർപി നിരക്കിൽ ഈ ഉൽപ്പന്നം വാങ്ങാൻ സാധിക്കും.
  • ലാസി 8ബിഗ് പ്രോ5: മൾട്ടി-സ്ട്രീം 4കെ/8കെ വീഡിയോ എഡിറ്റിംഗ് നടത്തുന്നവർക്കും, വലിയ ആർഎഡബ്ല്യു (RAW) ഇമേജ് ലൈബ്രറികൾ കൈകാര്യം ചെയ്യുന്ന ക്രിയേറ്റീവ് പ്രൊഫഷണലുകൾക്കും വേണ്ടിയാണ് ഇത് രൂപകൽപ്പന ചെയ്തിരിക്കുന്നത്. 32 ടിബി മുതൽ 256 ടിബി വരെ സ്കെയിൽ ചെയ്യാവുന്ന ഈ സ്റ്റോറേജിന് 2800 എംബി/സെക്കൻഡ് വേഗതയാണുള്ളത്. ഈ ഉൽപ്പന്നം ഉടൻ തന്നെ വിപണിയിൽ എത്തുന്നതാണ്.

കൂടാതെ, ക്രിയേറ്റീവ് പ്രൊഫഷണലുകൾക്കായി തണ്ടർബോൾട്ട് 5 പിന്തുണ, സുരക്ഷയ്ക്കായി ഓട്ടോ ബാക്കപ്പ് സോഫ്റ്റ്‌വെയറായ ടൂൾകിറ്റ്, റെസ്‌ക്യു ഡാറ്റ റിക്കവറി സർവീസ് എന്നിവയും ഈ ഉൽപ്പന്നങ്ങളിൽ സജ്ജീകരിച്ചിട്ടുണ്ട്.

ഉപയോഗിക്കാൻ ലളിതമായതും എളുപ്പത്തിൽ വിപുലീകരിക്കാൻ കഴിയുന്നതും അടുത്ത തലമുറയിലെ എഐ (AI) ആവശ്യങ്ങൾക്ക് അനുയോജ്യവുമായ സ്റ്റോറേജാണ് ഉപഭോക്താക്കൾ ഇന്ന് ആഗ്രഹിക്കുന്നതെന്ന് സീഗേറ്റിലെ എഡ്ജ് ഐഒടി വൈസ് പ്രസിഡൻ്റ് ലാൻസ് ഒഹാര വ്യക്തമാക്കി. ഉയർന്ന ശേഷിയും വിശ്വാസ്യതയും ഉറപ്പുനൽകുന്ന ഈ ഉൽപ്പന്നങ്ങൾ ഉപഭോക്താകൾക്ക് ഡാറ്റ കൂടുതൽ കാര്യക്ഷമമായി കൈകാര്യം ചെയ്യാനും ഉൽപ്പാദനക്ഷമത വർദ്ധിപ്പിക്കാനും സഹായിക്കും.

Content Highlights: Seagate Technology has launched advanced Seagate and LaCie storage products in India, including the One Touch Desktop HDD and the high-speed LaCie 8big Pro5, specifically designed to power creative workflows and AI-driven data demands.