രാജ്യത്ത് 5ജി സേവനങ്ങൾ കൂടുതൽ നഗരങ്ങളിൽ ലഭ്യമാക്കി- എയർടെൽ

മുംബൈ: രാജ്യത്ത് 5ജി സേവനം വിപുലീകരിക്കാനുള്ള ശ്രമത്തിലാണ് എയർടെൽ. നിലവിൽ 12 ന​ഗരങ്ങളിലാണ് എയർടെൽ 5ജി ലഭിക്കുന്നത്.  ചില വിമാനത്താവളങ്ങളിലും 5ജി ലഭിക്കുന്നുണ്ട്.

ഡൽഹി, ബെം​ഗളുരു, ഹെെദരാബാദ്, വാരണസി, മുംബെെ, ചെന്നെെ, പൂണെ, സിലി​ഗുരി, നാ​ഗ്പൂർ, ​ഗുരു​ഗ്രാം, പാനിപ്പത്ത്, ​ഗുവാഹാത്തി എന്നീ ന​ഗരങ്ങളിലാണ് ഇപ്പോൾ എയർടെൽ 5ജി ലഭിക്കുന്നത്. 2023 അവസാനത്തോടെ 5ജി സേവനങ്ങൾ രാജ്യമൊട്ടാകെ എത്തിക്കാനുള്ള ശ്രമത്തിലാണ് എയർടെൽ.

അതേസമയം, 5ജി സേവനങ്ങൾ വിപുലീകരിക്കുന്നതിൽ ജിയോ മറ്റ് സേവനദാതാക്കളെ അപേക്ഷിച്ച് ഒരുപടി മുന്നിലാണ്. ഈയടുത്ത് ഗുജറാത്തിലെ 33 ജില്ലാ ആസ്ഥാനങ്ങളിലും പരീക്ഷണ ഘട്ടത്തില്‍ 5ജി സേവനം ജിയോ ലഭ്യമാക്കിയിരുന്നു. ഇതോടെ എല്ലാ ജില്ലാ ആസ്ഥാനങ്ങളിലും 5ജി സേവനം ലഭിക്കുന്ന ഇന്ത്യയിലെ ആദ്യ സംസ്ഥാനമായി ഗുജറാത്ത് മാറിയിരുന്നു. 

ഗുജറാത്തിലെ 100 സ്‌കൂളുകള്‍ ഡിജിറ്റൈസ് ചെയ്യുക എന്ന ഉദ്ദേശത്തോടെ റിലയന്‍സ് ഫൗണ്ടേഷനും ജിയോയും ചേര്‍ന്ന് നടത്തുന്ന 'എഡ്യൂക്കേഷന്‍ ഫോര്‍ ഓള്‍' എന്ന സംരംഭത്തോട് കൂടിയാണ് സംസ്ഥാനത്ത് 5ജി സേവനം ആരംഭിച്ചത്.

Content Highlights: Airtel 5G service now available in 12 Indian cities