2-2; ലോക ചെസ് ചാമ്പ്യന്‍ഷിപ്പിലെ നാലാം മത്സരം സമനിലയില്‍
സിങ്കപ്പുര്‍: ഇന്ത്യന്‍ ഗ്രാന്‍ഡ്മാസ്റ്റര്‍ ഡി. ഗുകേഷും ചൈനയുടെ ഡിങ് ലിറനും ഏറ്റുമുട്ടുന്ന ലോക ചെസ് ചാമ്പ്യന്‍ഷിപ്പ് ഫൈനലിന്റെ നാലാം പോരാട്ടത്തില്‍ സമനില. ഇതോടെ ഇരുവരുടെയും പോയിന്റ് നില 2-2 ആയി.
ഇന്ന് കറുത്തകരുക്കളുമായാണ് ഗുകേഷ് കളിക്കാനിറങ്ങിയത്. ഇരുവരും നടത്തിയ 42 നീക്കങ്ങള്‍ക്കു പിന്നാലെ മത്സരം സമനിലയിലായി. സക്കര്‍ടോര്‍ട്ട് ഓപ്പണിങ്ങിലൂടെ ലിറനാണ് കരുനീക്കം ആരംഭിച്ചത്.
പതിനാല് പോരാട്ടങ്ങള്‍ അടങ്ങിയ ചാമ്പ്യന്‍ഷിപ്പില്‍ ആദ്യം 7.5 പോയിന്റ് നേടുന്നയാള്‍ ലോക ചെസ് ചാമ്പ്യനാകും. ശനിയാഴ്ചയാണ് അഞ്ചാം മത്സരം നടക്കുക.
Content Highlights: world chess championship fourth game draw