ട്രംപിന്റെ ട്രേഡ്മാർക്ക് ഡാൻസ് കളിച്ച് ലുക്കാക്കുവിന്റെ പരിഹാസം; വൈറലായി ഗോളാഘോഷം
കഴിഞ്ഞദിവസം നടന്ന ബെൽജിയം - അമേരിക്ക പ്രീക്വാർട്ടർ മത്സരം കളത്തിനകത്തും പുറത്തും ചർച്ചയായിരുന്നു. യു.എസ്. താരം ഫൊളാറിൻ ബലോഗണിന്റെ സസ്‌പെൻഷൻ പിൻവലിക്കാൻ അമേരിക്കൻ പ്രസിഡന്റ് ഡൊണാൾഡ് ട്രംപ് ഇടപെട്ടു എന്നതായിരുന്നു കാരണം. ഈ നടപടിക്കെതിരേ ബെൽജിയം അപ്പീൽ നൽകിയെങ്കിലും ഫിഫ അമേരിക്കയ്ക്ക് അനുകൂലമായിനിന്നു. ബെൽജിയം സ്‌ട്രൈക്കർ റൊമേലു ലുക്കാക്കു ഇതിനെ കളത്തിൽ പരിഹസിച്ചു.
ബെൽജിയത്തിനായി നാലാം ഗോൾനേടിയതിനുപിന്നാലെ ട്രംപിന്റെ ട്രേഡ്മാർക്ക് ഡാൻസ് കളിച്ചാണ് ലുക്കാക്കുവിന്റെ പരിഹാസം. അമേരിക്ക പുറത്തായതിനുപിന്നാലെ ലുക്കാക്കുവിന്റെ ഡാൻസ് വൈറലായി. അമേരിക്കയ്ക്കെതിരേ സ്‌കോർ ചെയ്തതോടെ, ലോകകപ്പിൽ പകരക്കാരനായിറങ്ങി നാലുതവണ ഗോൾ നേടുന്ന ആദ്യ താരമായി ലുക്കാക്കു. ഒരേ ലോകകപ്പിൽ പകരക്കാരനായിറങ്ങി മൂന്നുഗോൾ നേടുന്ന ആദ്യ താരമെന്ന റെക്കോഡും പേരിലാക്കി. ന്യൂസീലൻഡ്, സെനഗൽ, അമേരിക്ക എന്നിവർക്കെതിരേയാണ് ലുക്കാക്കു ഇത്തവണ സബ്സ്റ്റിറ്റ്യൂട്ട് ഗോൾ നേടിയത്.
After Belgium scored their 4th goal vs USA, the whole team mocked President Donald Trump by doing his signature dance move
Pretty savage troll, especially on US soil & after Trump fought to have FIFA review the bogus red card suspension on Balogun.
Well played 🤝 pic.twitter.com/HRgRwUUzNH— Jon Root (@JonnyRoot_) July 7, 2026
റഫറിക്കെതിരേ ട്രംപ്
ബലോഗന് ചുവപ്പുകാർഡ് നൽകിയ റഫറി റഫേൽ ക്ലൗസിനെതിരേ അമേരിക്കൻ പ്രസിഡന്റ് ഡൊണാൾഡ് ട്രംപ്. സംശയാസ്പദമായ പശ്ചാത്തലമുള്ളയാളാണ് ക്ലൗസ് എന്നും അദ്ദേഹത്തിന്റെ പൂർവകാലം പരിശോധിച്ചാൽ അത് വ്യക്തമാകുമെന്നുമാണ് ട്രംപിന്റെ ആരോപണം. 2024-ൽ ബ്രസീലിൽ ഒരു മാച്ച് ഫിക്‌സിങ്ങുമായി ബന്ധപ്പെട്ട് ക്ലൗസിനെതിരേ ആരോപണമുയർന്നിരുന്നു. പിന്നീട് ഇതിൽ കുറ്റക്കാരനല്ലെന്നും കണ്ടെത്തി. ഇത് സൂചിപ്പിച്ചായിരുന്നു ട്രംപിന്റെ പരാമർശം.
വിഷയത്തിൽ ഫിഫയുടെ അച്ചടക്കസമിതിയാണ് തീരുമാനം എടുത്തതെന്നാണ് ഫിഫ പ്രസിഡന്റ് ജിയോവാനി ഇൻഫന്റീനോയുടെ വാദം. സ്വതന്ത്രമായി തീരുമാനമെടുക്കാനുള്ള സമിതിയാണ് അപ്പീൽ കമ്മിറ്റിയെന്നും ഇൻഫാന്റീനോ വ്യക്തമാക്കി. സംഭവത്തിൽ യുവേഫയും ഇംഗ്ലണ്ടും ബെൽജിയവുമുൾപ്പെടെ ഒട്ടേറെ അസോസിയേഷനുകൾ ഫിഫെയ്ക്കതിരേ രംഗത്തുവന്നുകഴിഞ്ഞു. സസ്‌പെൻഷൻ റദ്ദാക്കിയതിനെതിരേ ബെൽജിയം നൽകിയ പരാതി ഫിഫ തള്ളി.
Content Highlights: Romelu Lukaku mocked Donald Trump's dance after scoring against the USA., Lukaku becomes the first player to score four goals as a substitute in a single World Cup., FIFA upheld the decision regarding Folarin Balogun's suspension despite Belgium's appeal., Lukaku's substitute goal streak includes matches against New Zealand, Senegal, and the USA.