അമേരിക്ക പ്രവേശനം നിഷേധിച്ചതിനെത്തുടർന്ന് ലോകകപ്പിൽനിന്നു പുറത്തായി; സൂപ്പർ കപ്പ് നിയന്ത്രിക്കാൻ ഒമർ

വാഷിങ്ടൺ: അമേരിക്ക പ്രവേശനം നിഷേധിച്ചതിനെത്തുടർന്ന് ലോകകപ്പിൽനിന്നു പുറത്തായ സൊമാലിയൻ റഫറി ഒമർ അർത്താന യുവേഫ സൂപ്പർ കപ്പ് ഫൈനൽ നിയന്ത്രിക്കും. ഓഗസ്റ്റ് 12-ന് പി.എസ്.ജി.യും ആസ്റ്റൺ വില്ലയും തമ്മിലുള്ള ഫൈനലിലാണ് അർത്താന എത്തുന്നത്. ആഫ്രിക്കൻ ഫുട്‌ബോൾ കോൺഫെഡറേഷനുമായി യുവേഫ നടത്തിയ ചർച്ചകളെത്തുടർന്നാണ് ഓസ്ട്രിയയിലെ സാൽസ്ബർഗിൽ നടക്കുന്ന സൂപ്പർ കപ്പ് നിയന്ത്രിക്കാൻ ഒമർ അർത്താനയെ നിയമിച്ചത്.

നിർഭാഗ്യകരം - ഇൻഫാന്റിനോ

മെക്‌സിക്കോ സിറ്റി: സൊമാലിയൻ റഫറി ഒമർ അബ്ദുൾഖാദിർ അർത്താന് യു.എസ്.എ. വിസ നിഷേധിച്ചത് നിർഭാഗ്യകരമെന്ന് ഫിഫ പ്രസിഡന്റ് ജിയാനി ഇൻഫാന്റിനോ. രാജ്യങ്ങളുടെ ഇമിഗ്രേഷൻ നയങ്ങളിൽ ഇടപെടാനാവില്ലെന്നും അദ്ദേഹം ലോകകപ്പ് മത്സരങ്ങൾ തുടങ്ങുന്നതിനു മുന്നോടിയായി നടത്തിയ വാർത്താ സമ്മേളനത്തിൽ പറഞ്ഞു.

Content Highlights: Somali referee Omar Artan selected for 2026 UEFA Super Cup final, Match features PSG vs Aston Villa in Salzburg on August 12, 2026, Appointment follows collaboration between UEFA and CAF, FIFA President Gianni Infantino commented on previous US visa issues