മുന്‍ ബുണ്ടസ് ലീഗ താരം പീറ്റര്‍ സ്ലിസ്‌കോവിച്ചിനെ സ്വന്തമാക്കി ചെന്നൈയിന്‍ എഫ്.സി.

ചെന്നൈ: മുന്‍ ജര്‍മന്‍ ബുണ്ടസ് ലീഗ താരം പീറ്റര്‍ സ്ലിസ്‌കോവിച്ചിനെ സ്വന്തമാക്കി ചെന്നൈയിന്‍ എഫ്.സി. ഇന്ത്യന്‍ സൂപ്പര്‍ ലീഗിന്റെ പുതിയ സീസണിന് മുന്നോടിയായാണ് സ്‌ട്രൈക്കറായ സ്ലിസ്‌കോവിച്ചിനെ ചെന്നൈയിന്‍ സ്വന്തമാക്കിയത്. 

ക്രൊയേഷ്യന്‍ താരമായ സ്ലിസ്‌കോവിച്ച് ബുണ്ടസ് ലീഗയില്‍ എഫ്.എസ്.വി. മെയ്ന്‍സിനുവേണ്ടി അഞ്ചുവര്‍ഷം കളിച്ച താരമാണ്. 19-ാം വയസ്സില്‍ മെയ്ന്‍സിനുവേണ്ടി കളിച്ച താരം 2015 വരെ ടീമിനൊപ്പം തുടര്‍ന്നു. 

ബുണ്ടസ് ലീഗയില്‍ 359 മത്സരങ്ങള്‍ കളിച്ച താരം 136 ഗോളുകളും 16 അസിസ്റ്റുകളും നേടി. ക്രൊയേഷ്യന്‍ അണ്ടര്‍ 21 ദേശീയ ടീമിനുവേണ്ടി കളിക്കാനും സ്ലിസ്‌കോവിച്ചിന് സാധിച്ചിട്ടുണ്ട്. കഴിഞ്ഞ സീസണില്‍ വേണ്ടത്ര മികവ് പുറത്തെടുക്കാന്‍ ചെന്നൈയിന് സാധിച്ചിരുന്നില്ല. അതുകൊണ്ടാണ് പുതിയ വിദേശ താരങ്ങളെ കൊണ്ടുവരാന്‍ അധികൃതര്‍ തീരുമാനിച്ചത്. മുന്‍ ഐ.എസ്.എല്‍. ചാമ്പ്യന്മാര്‍ കൂടിയാണ് ചെന്നൈയിന്‍ എഫ്.സി.

Content Highlights: petar sliskovic, bundes liga, chennaiyin fc, isl, isl 2023, isl new siginings, football news