സീനിയര് വിമന്സ് ടി20 ട്രോഫിക്ക് ഇന്ന് തുടക്കം ; കേരള ടീമിനെ സജന നയിക്കും
തിരുവനന്തപുരം: സീനിയര് വിമന്സ് ടി20 ട്രോഫിക്ക് ചൊവ്വാഴ്ച പഞ്ചാബില് തുടക്കം. ഒക്ടോബര് 8 മുതല് ഒക്ടോബര് 19 വരെയാണ് കേരളത്തിന്റെ മത്സരങ്ങള് നടക്കുന്നത്. ഉത്തര്പ്രദേശുമായിട്ടാണ് കേരളത്തിന്റെ ആദ്യ മത്സരം. ഇന്ത്യന് ടീമംഗങ്ങളായ സജന സജീവനും ആശ എസും ടീമിലുണ്ട്. സജന തന്നെയാണ് ടീം ക്യാപ്റ്റന്.
ടീമംഗങ്ങള് : സജ്ന എസ് ( ക്യാപ്റ്റന്), ഷാനി ടി, ആശ എസ്, അക്ഷയ എ, ദൃശ്യ ഐ.വി, വിനയ സുരേന്ദ്രന്, കീര്ത്തി കെ. ജയിംസ്, നജ്ല സി.എം.സി, വൈഷണ എം.പി, അലീന സുരേന്ദ്രന്, ദര്ശന മോഹന്, സായൂജ്യ കെ.എസ്, ഇസബെല് മേരി ജോസഫ്, അനന്യ കെ. പ്രദീപ്. അതിഥി താരങ്ങളായി തെലങ്കാനയില് നിന്നും വി. പ്രണവി ചന്ദ്രയും മധ്യപ്രദേശില് നിന്നും സലോണി ഡങ്കോറും ഇക്കുറി ടീമിനൊപ്പമുണ്ട്. മുൻ അന്താരാഷ്ട്ര ക്രിക്കറ്ററും വനിത പ്രീമിയർ ലീഗ് മുംബൈ ഇന്ത്യൻസ് ബാറ്റിങ് കോച്ചുമായ ദേവിക പല്ശികാറാണ് ടീമിന്റെ മുഖ്യ പരിശീലക. അസിസ്റ്റന്റ് കോച്ച്- ജസ്റ്റിന് ഫെര്ണാണ്ടസ്, അനു അശോക്.
Content Highlights: senior womens t20 trophy