SENA രാജ്യങ്ങൾക്കെതിരെ സെഞ്ചുറി നേടുന്ന ആദ്യ ഇന്ത്യൻ ഓപ്പണർ; ചരിത്രമെഴുതി കെഎൽ രാഹുൽ

#സ്‌പോര്‍ട്‌സ് ഡെസ്‌ക്‌
കെ.എല്‍ രാഹുല്‍ | Photo: AFP
കെ.എല്‍ രാഹുല്‍ | Photo: AFP

വെല്ലിങ്ടൺ: ന്യൂസീലൻഡിനെതിരായ ആദ്യ ടെസ്റ്റിൽ സെഞ്ചുറിയുമായി ചരിത്രമെഴുതി ഇന്ത്യൻ താരം കെ.എൽ രാഹുൽ. സെന (സൗത്ത് ആഫ്രിക്ക, ഇംഗ്ലണ്ട്, ന്യൂസീലൻഡ്, ഓസ്‌ട്രേലിയ) രാജ്യങ്ങൾക്കെതിരെ ടെസ്റ്റിൽ സെഞ്ചുറി നേടുന്ന ആദ്യ ഇന്ത്യൻ ഓപ്പണർ എന്ന നേട്ടമാണ് രാഹുൽ സ്വന്തമാക്കിയത്.

12 വർഷത്തിനുശേഷം ന്യൂസീലൻഡിൽ ടെസ്റ്റ് സെഞ്ചുറി നേടുന്ന ആദ്യ ഇന്ത്യൻ താരം എന്ന റെക്കോർഡും 34-കാരൻ സ്വന്തമാക്കി. ഇതിന് മുമ്പ് 2014 ഫെബ്രുവരിയിൽ അജിങ്ക്യ രഹാനെയും വിരാട് കോലിയുമാണ് സെഞ്ചുറി നേടിയത്. ഇതേ ഗ്രൗണ്ടിൽ തന്നെയായിരുന്നു ഇരുവരുടേയും സെഞ്ചുറി.

69-ാം ഓവറിൽ ജേക്കബ് ഡഫിയുടെ പന്തിലാണ് രാഹുൽ സെഞ്ചുറി പൂർത്തിയാക്കിയത്. 207 പന്തിൽ എട്ട് ഫോറിന്റേയും ഒരു സിക്‌സിന്റേയും അകമ്പടിയോടെയായിരുന്നു രാഹുലിന്റെ ഇന്നിങ്‌സ്.

Content Highlights: KL Rahul becomes the first Indian opener to score a Test century against SENA countries (South Africa, England, New Zealand, Australia)., First Indian player to score a Test century in New Zealand after 12 years., Scored 100 runs from 207 balls including 8 fours and 1 six against Jacob Duffy.