അതിഥികളെ സ്വീകരിച്ച് പിണറായിയും ഭാര്യയും; നിയമസഭയിൽ മുഖ്യമന്ത്രിയുടെ ഇഫ്താര്‍ വിരുന്ന്
മുഖ്യമന്ത്രി പിണറായി വിജയന്‍ ഇഫ്താര്‍ വിരുന്ന് സംഘടിപ്പിച്ചു. സാഹോദര്യത്തിന്റെയും സൗഹൃദത്തിന്റേയും സന്ദേശം പകര്‍ന്ന ചടങ്ങില്‍ മത, രാഷ്ട്രീയ, സാമൂഹിക, സാംസ്‌കാരിക രംഗങ്ങളിലെ ഒട്ടേറെ പ്രമുഖര്‍ പങ്കെടുത്തു. നിയമസഭയിലെ ശങ്കരനാരായണന്‍ തമ്പി ഹാളിലാണ് ഇഫ്താര്‍ വിരുന്ന് സംഘടിപ്പിച്ചത്. മുഖ്യമന്ത്രി പിണറായി വിജയനും പത്നി കമലയും ചേര്‍ന്നു വിരുന്നിലേക്കു വിശിഷ്ടാതിഥികളെ സ്വീകരിച്ചു.
നിയമസഭ സ്പീക്കര്‍ എ എന്‍ ഷംസീര്‍,മന്ത്രിമാരായ കെ രാജന്‍, കെ എന്‍ ബാലഗോപാല്‍,പി രാജീവ്,എം ബി രാജേഷ്,പി പ്രസാദ്,വി അബ്ദുറഹിമാന്‍,ജി.ആര്‍. അനില്‍,പി എ മുഹമ്മദ് റിയാസ്,റോഷി അഗസ്റ്റിന്‍,കെ ബി ഗണേഷ് കുമാര്‍,രാമചന്ദ്രന്‍ കടന്നപ്പള്ളി, സജി ചെറിയാന്‍,എ കെ ശശീന്ദ്രന്‍,വി.എന്‍. വാസവന്‍,ഡോ. ആര്‍ ബിന്ദു, പ്രതിപക്ഷ നേതാവ് വി.ഡി. സതീശന്‍,മേയര്‍ ആര്യാ രാജേന്ദ്രന്‍,ചീഫ് സെക്രട്ടറി ശാരദാ മുരളീധരന്‍,എം വി ഗോവിന്ദന്‍ മാസ്റ്റര്‍,എം എം ഹസ്സന്‍,പി.കെ. കുഞ്ഞാലിക്കുട്ടി,ബിനോയ് വിശ്വം,ഇ പി ജയരാജന്‍, ഒ രാജഗോപാല്‍,പാണക്കാട് സാദിഖലി ശിഹാബ് തങ്ങള്‍ തുടങ്ങി മത, സാമൂഹിക, വ്യവസായ, കായിക, ചലച്ചിത്ര രംഗങ്ങളിലെ പ്രമുഖര്‍,എം എല്‍ എ മാര്‍,സംസ്ഥാന സര്‍ക്കാരിലെ ഉന്നത ഉദ്യോഗസ്ഥര്‍,മാധ്യമ സ്ഥാപന മേധാവികള്‍ തുടങ്ങിയവര്‍ പങ്കെടുത്തു.
Content Highlights: Kerala CM Pinarayi Vijayan hosted an Iftar attended by prominent figures from various fields