കാണേണ്ട പടമെന്ന് പ്രേക്ഷകർ, കൊത്തിന് എങ്ങും മികച്ച അഭിപ്രായം

ആസിഫ് അലി, റോഷൻ മാത്യു എന്നിവരെ പ്രധാനകഥാപാത്രങ്ങളാക്കി സിബി മലയിൽ സംവിധാനം ചെയ്ത കൊത്തിന് എങ്ങുനിന്നും മികച്ച പ്രതികരണം. കാലഘട്ടം ആവശ്യപ്പെടുന്ന കാണേണ്ട ചിത്രമാണെന്നാണ് പ്രേക്ഷകർ പറയുന്നത്. 

കണ്ണൂരിന്റെ രാഷ്ട്രീയ പശ്ചാത്തലത്തിലാണ്  ചിത്രം ഒരുക്കിയിരിക്കുന്നത്. ഗോള്‍ഡ് കോയിന്‍ മോഷന്‍ പിക്‌ചേഴ്‌സിന്റെ ബാനറില്‍ രഞ്ജിത്തും പി എം ശശിധരനും ചേര്‍ന്നാണ് ചിത്രം നിര്‍മിക്കുന്നത്. നിഖില വിമലാണ് നായിക. രഞ്ജിത്ത്, വിജിലേഷ് , അതുല്‍, ശ്രീലക്ഷ്മി, ശ്രീജിത്ത് രവി, കോട്ടയം രമേശ്, ദിനേശ് ആലപ്പി, രാഹുല്‍, ശിവന്‍ സോപാനം എന്നിവരാണ് ചിത്രത്തിലെ മറ്റു പ്രധാനകഥാപാത്രങ്ങളെ അവതരിപ്പിക്കുന്നത്.