കാപ്പയുടെ സെറ്റിൽ അപർണ്ണാ ബാലമുരളിക്ക് ജന്മദിനാഘോഷം

അപർണ്ണ ബാലമുരളിയുടെ ജൻമദിനത്തിന് ഇക്കുറി ഏറെ പ്രാധാന്യമുണ്ട്. സൂര്യ നായകനായ സൂററൈ പോട്ര് എന്ന തമിഴ് ചിത്രത്തിലൂടെ ഇന്ത്യയിലെ ഏറ്റം മികച്ച നടിക്കുള്ള പുരസ്ക്കാരത്തിനർഹയായതിനു ശേഷം കടന്നു വരുന്ന ജൻമദിനമായിരുന്നു സെപ്റ്റംബർ പതിനൊന്ന്. ഈ ദിവസത്തിൽ അപർണ്ണ തിരുവനന്തപുരത്ത് ഷാജി കൈലാസ് സംവിധാനം ചെയ്യുന്ന കാപ്പ എന്ന ചിത്രത്തിൽ അഭിനയിക്കുകയായിരുന്നു.

അപർണ്ണയുടെ ജൻമദിനമാണന്നറിഞ്ഞതോടെ നിർമ്മാതാക്കളായ ജിനു.വി.ഏബ്രഹാമും ഡോൾവിനും ചേർന്ന് ലളിതമായെങ്കിലും ഒരാഘോഷം സംഘടിപ്പിച്ചു. കേക്ക് മുറിച്ച് യൂണിറ്റംഗങ്ങൾ എല്ലാവരും ചേർന്ന് അപർണ്ണക്ക് ജൻമദിനാശംസകൾ നേർന്നു. സദ്യയും ഒരുക്കിയിരുന്നു.