ബഷീറും മകളുമെത്തുന്നു സ്വപ്നങ്ങള് തുന്നിച്ചേര്ക്കാന്; ശ്രദ്ധേയമായി പോസ്റ്റര്
കൊച്ചി: സോഷ്യല് മീഡിയയില് ശ്രദ്ധേയമായി ഡിയര് വാപ്പി എന്ന ചിത്രത്തിന്റെ പോസ്റ്റര്. ലാല്, തിങ്കളാഴ്ച നിശ്ചയം ഫെയിം അനഘ നാരായണന്, നിരഞ്ജ് മണിയന്പിള്ള രാജു എന്നിവര് പ്രധാനവേഷത്തിലെത്തുന്ന ചിത്രം ക്രൗണ് ഫിലിംസിന്റെ ബാനറില് ഷാന് തുളസീധരനാണ് രചനയും സംവിധാനവും നിര്വഹിക്കുന്നത്.
തയ്യല്ക്കാരനായിട്ടാണ് ലാല് ചിത്രത്തിലെത്തുന്നത്. മണിയന് പിള്ള രാജു, ജഗദീഷ്, അനു സിതാര എന്നിവരാണ് മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്. ഒരുപാട് ആഗ്രഹങ്ങളുള്ള ടൈലര് ബഷീറിന്റെയും മോഡലായ മകള് ആമിറയുടെയും ജീവിതയാത്രയാണ് ചിത്രത്തിന്റെ ഇതിവൃത്തം. തലശ്ശേരി, മാഹി, മൈസൂര്, മുംബൈ എന്നിവിടങ്ങളിലായിട്ടാണ് ഡിയര് വാപ്പി ചിത്രീകരിക്കുന്നത്.
കൈലാസ് മേനോന് സംഗീതം നിര്വ്വഹിക്കുന്ന ചിത്രത്തില് വരികള് എഴുതിയിരിക്കുന്നത് ബി കെ ഹരിനാരായണന്, മനു മഞ്ജിത്ത് എന്നിവരാണ്. പാണ്ടികുമാര് ഛായാഗ്രഹണവും, ലിജോ പോള് ചിത്രസംയോജനവും നിര്വഹിക്കുന്നു.
Content Highlights: Dear Vappi movie poster Lal Anagha Narayanan Shan Thulaseedharan