നിയമലംഘനം നടത്തിയ ഹജ്ജ് കമ്പനികളുടെ അനുമതി റദ്ദാക്കി

അബുദാബി : യു.എ.ഇ. യിൽ നിയമലംഘനം നടത്തിയ നാല് ഹജ്ജ് കമ്പനികളുടെ അനുമതി ജനറൽ അതോറിറ്റി ഓഫ് ഇസ്ലാമിക് അഫയർ ആൻഡ് എൻഡോവ്‌മെന്റ് റദ്ദാക്കി.

ഈ വർഷം ഹജ്ജ് കാമ്പയിൻ കൈകാര്യം ചെയ്ത 19 കമ്പനികൾക്ക് നടപടിക്രമങ്ങൾ കൃത്യമായി പാലിക്കാത്തതിന് പിഴയും ചുമത്തിയിരുന്നു. ഈ വർഷത്തെ ഹജ്ജ് തീർഥാടകരുടെ പരാതികൾ പരിശോധിച്ചതിന്റെ അടിസ്ഥാനത്തിലാണ് നാല് കമ്പനികളുടെ ലൈസൻസ് റദ്ദാക്കുകയും പിഴ ചുമത്തുകയുംചെയ്തത്.

യു.എ.ഇ. യിൽനിന്നുള്ള തീർഥാടകർക്ക് ഏറ്റവും മികച്ച ഹജ്ജ്, ഉംറ സേവനങ്ങൾ നൽകണമെന്നതാണ് വ്യവസ്ഥ.

ഹജ്ജ് ഒാപ്പറേറ്റർമാർ തീർഥാടകരുമായി ഒപ്പിട്ട കരാറുകൾ പാലിക്കണം. ഇത്തരം നിയമലംഘനങ്ങൾക്കെതിരേ കർശനനടപടിയെടുക്കുന്നത് തുടരുമെന്നും അധികൃതർ വ്യക്തമാക്കി.

Content Highlights: Hajj companies that have violated the law have been revoked