176 വോളണ്ടിയര് ടീമുകള്, മദീനയിലെ പ്രവാചക പള്ളിയില് നടത്തിയത് 14,45,982 മണിക്കൂര് സന്നദ്ധസേവനം
മദീന: ഈ വര്ഷം ഇതുവരെ മദീനയിലെ പ്രവാചക പള്ളിയില് 176 വോളണ്ടിയര് ടീമുകള് 14 ,45,982 മണിക്കൂര് സന്നദ്ധസേവനം നടത്തിയതായി മദീനയിലെ പ്രവാചക പള്ളിയുടെ കാര്യങ്ങളുടെ പരിപാലനത്തിനുള്ള ജനറല് അതോറിറ്റി അറിയിച്ചു. വോളണ്ടിയര് ടീമുകള് വിശ്വാസികളായ സന്ദര്ശകര്ക്ക് സുഗമവും സമാധാനപരവുമായ പ്രാര്ത്ഥനാനുഭവം ഉറപ്പാക്കാന് അവശ്യ സേവനങ്ങളാണ് നല്കിയത്.
പ്രവാചകന്റെ മസ്ജിദിലും അതിന്റെ ചുറ്റുമുള്ള അങ്കണങ്ങളിലും 16,000-ലധികം പുരുഷന്മാരും സ്ത്രീകളും അടങ്ങുന്ന സന്നദ്ധപ്രവര്ത്തകര് 190-ലധികം സന്നദ്ധപ്രവര്ത്തനങ്ങള് ഏറ്റെടുത്തു നടത്തി. ഈ സേവനങ്ങളില് വികലാംഗര്ക്കും പ്രായമായവര്ക്കുമുള്ള സഹായം, വഴിതെറ്റിയവര്ക്കു വഴി കണ്ടെത്തല് സഹായം, മെഡിക്കല് ക്ലിനിക്ക് സേവനങ്ങള്, ഇഫ്താര് ഭക്ഷണം വിതരണം, ഷട്ടില് ഗതാഗതം, ജനക്കൂട്ടത്തെ നിയന്ത്രിക്കല്, അത്യാഹിത മെഡിക്കല് സേവനം, സൂര്യാഘാതവും വെയിലും ഏല്ക്കാതിരിക്കാനുള്ള സംരക്ഷണത്തിനുള്ള കുട വിതരണം എന്നിവ ഉള്പ്പെടുന്നു.
Content Highlights: medina prophet mosque