വാണിജ്യ വിക്ഷേപണ മുന്നേറ്റം: ഒമാനിൽ 'ആസാദ് ഡ്രീമർ' റോക്കറ്റിന്റെ പരീക്ഷണ പറക്കൽ വിജയകരമായി പൂർത്തിയായി

മസ്‌കറ്റ്: ഒമാനിലെ ദുഖ്മ് സ്‌പേസ്‌പോർട്ട് രണ്ടാമത്തെ വിജയകരമായ റോക്കറ്റ് വിക്ഷേപണം പൂർത്തിയാക്കി. 'കാർമാൻ എക്‌സ്1' (Karman X1) മിഷന്റെ ഭാഗമായി 'ആസാദ് ഡ്രീമർ' റോക്കറ്റ് നിയന്ത്രിത പരീക്ഷണ പറക്കലാണ് നടത്തിയത്.

4.3 മീറ്റർ നീളവും 26 കിലോഗ്രാം ഭാരവുമുള്ള ഈ റോക്കറ്റ്, പറക്കലിനിടയിലെ വിവരങ്ങൾ മിഷൻ കൺട്രോൾ സെന്ററിലേക്ക് വിജയകരമായി കൈമാറി. ബഹിരാകാശത്ത് എത്തുന്നതിനേക്കാൾ ഉപരിയായി വിക്ഷേപണ നടപടിക്രമങ്ങൾ, ഫ്‌ലൈറ്റ് പെർഫോമൻസ്, ഓൺബോർഡ് സാങ്കേതികവിദ്യകൾ, സംവിധാനങ്ങൾ എന്നിവ വിലയിരുത്താനാണ് ഈ പരീക്ഷണം ലക്ഷ്യമിട്ടത്.

2024 ഡിസംബറിലെ ദുഖ്മ്-1 മിഷന് ശേഷമുള്ളതാണ് ഈ വിക്ഷേപണം. സബ് ഓർബിറ്റൽ, പരീക്ഷണാത്മക റോക്കറ്റ് വിക്ഷേപണങ്ങളെ പിന്തുണയ്ക്കുന്നതിനായി അതേ വർഷം ആരംഭിച്ച 'ഫോർമേഷൻ' പ്രോഗ്രാമിന്റെ ഭാഗമാണിത്.

Content Highlights: Duqm Spaceport in Oman completed its second successful rocket test., The Azad Dreamer rocket measured 4.3 meters in length and weighed 26 kg., The test evaluated flight performance, onboard tech, and data transmission under the Karman X1 mission., It is part of the 'Formation' program launched to support suborbital and experimental rocket launches.