മുൻകൂർ അനുമതിയില്ലാതെ ലോഗോയോ പേരോ പരസ്യങ്ങളിൽ ഉപയോഗിക്കരുത്- ഒമാൻ തൊഴിൽ മന്ത്രാലയം

മസ്‌കറ്റ്: ഒമാനിൽ മുൻകൂർ അനുമതിയില്ലാതെ തൊഴിൽ മന്ത്രാലയത്തിന്റെ ലോഗോയോ പേരോ പരസ്യങ്ങളിൽ ഉപയോഗിക്കുന്നത് പൂർണമായി നിരോധിച്ചു. ഇത് സംബന്ധിച്ച സർക്കുലർ മന്ത്രാലയം പുറത്തിറക്കിയിട്ടുണ്ട്.സോഷ്യൽ മീഡിയ ഉൾപ്പെടെയുള്ള എല്ലാ ഡിജിറ്റൽ, പ്രിന്റ് മാധ്യമങ്ങളിലെ പ്രമോഷനുകൾക്കും ഈ നിരോധനം ബാധകമാണെന്നും മന്ത്രാലയം പറഞ്ഞു. മന്ത്രാലയത്തിന്റെ അക്രഡിറ്റേഷനോ സഹകരണമോ ഉണ്ടെന്ന് കാട്ടി പൊതുജനങ്ങളെ തെറ്റിദ്ധരിപ്പിക്കുന്ന രീതി ശ്രദ്ധയിൽ പെട്ടതിനെ തുടർന്നാണ് നടപടി. അനധികൃതമായി ലോഗോയോ പേരോ ഉപയോഗിക്കുന്ന സ്ഥാപനങ്ങൾക്കെതിരെ നിയമ നടപടികൾ സ്വീകരിക്കുമെന്നും മന്ത്രാലയം വ്യക്തമാക്കി.

Content Highlights: Oman Ministry of Labour completely bans unauthorized use of its logo and name in ads., The ban applies to all print, digital, and social media promotions., Action was taken due to misleading promotions claiming ministry accreditation or cooperation., Legal actions will be initiated against establishments violating this order.