ക്രോസ്സ്റോഡ്സ് ഷോർട് ഫിലിം ഫെസ്റ്റിവലിൽ 3 പുരസ്കാരങ്ങളുമായി 'മാസ്റ്റർ പ്ലാൻ'
ഡാലസ്: കാനഡ ടൊറാൻഡോ മാർത്തോമാ യുവജന സഖ്യത്തിന്റെ ആഭിമുഖ്യത്തിൽ നടത്തിയ ക്രോസ്റോഡ്സ് ഷോർട് ഫിലിം മത്സരത്തിൽ ഫാർമേഴ്സ് ബ്രാഞ്ച് മാർത്തോമാ ചർച്ച് ഓഫ് ഡാലസ് ടീം മിന്നും വിജയങ്ങൾ കരസ്ഥമാക്കി ചലച്ചിത്ര സംവിധായകരായ ബ്ലെസി, ഡോൺ മാക്സ്, റെൻസി തോമസ് എന്നിവരടങ്ങിയ ജൂറി പാനൽ നിരവധി ഷോർട് ഫിലിമുകളിൽ നിന്നുമാണ് ഫാർമേഴ്സ് ബ്രാഞ്ച് മാർത്തോമാ ചർച്ച് ഓഫ് ഡാലസ് ടീം അവതരിപ്പിച്ച 'മാസ്റ്റർ പ്ലാൻ' എന്ന ഹ്രസ്വചിത്രത്തിന് പുരസ്കാരങ്ങൾ സമ്മാനിച്ചത്.
മികച്ച നടി റിനി ഷിബു, മികച്ച സംവിധായകൻ ക്രിസ്റ്റി നൈനാൻ പള്ളിക്കൽ, കമ്മ്യൂണിറ്റി ഇൻവോൾവ്മെന്റ് അവാർഡ് എന്നിങ്ങനെ മൂന്ന് പുരസ്കാരങ്ങളാണ് സ്വന്തമാക്കിയത്.
മനുഷ്യസഹജമായ പോരാട്ടങ്ങൾക്കിടയിലും തെറ്റിദ്ധാരണകൾക്കിടയിലും ദൈവികമായ പദ്ധതികൾ എങ്ങനെ വെളിപ്പെടുന്നു എന്ന പ്രമേയമാണ് 'മാസ്റ്റർ പ്ലാൻ' കൈകാര്യം ചെയ്യുന്നത്.
ശക്തമായ അഭിനയമുഹൂർത്തങ്ങളും വൈകാരികമായ ആഴവുമുള്ള ഈ ചിത്രം വിശ്വാസത്തെയും ദൈവിക നയിപ്പിനെയും കുറിച്ചുള്ള ശക്തമായ സന്ദേശമാണ് നൽകുന്നത്.
രചന, സംവിധാനം, എഡിറ്റിംഗ്: ക്രിസ്റ്റി നൈനാൻ പള്ളിക്കൽ, ഡ്രമാറ്റർജി: റോബി പുതുപ്പള്ളി, ക്യാമറ: ലിബിൻ മാത്യു, ജിബിൻ മാത്യു, പ്രോപ്സ് & ആർട്ട്: സോജി സാം, മേക്കപ്പ് സ്പെഷ്യലിസ്റ്റ്: റൂബിൻ ഫിലിപ്പ്, ഗാനരചന: ബിജോയ് ബാബു, സംഗീതം: ആരോൺ എബ്രഹാം എന്നിവർ അണിയറ പ്രവർത്തകരായി പ്രവർത്തിച്ചു.
വാർത്തയും ഫോട്ടോയും : ജീമോൻ റാന്നി
Content Highlights: Farmers Branch Church's 'Master Plan' Earns Top Honors at International Short Film Competition