ഒറ്റ രാത്രി, പത്ത് ഈണങ്ങൾ; ദേവരാജൻ മാസ്റ്റർ മാജിക് | Kaathoram | Music Podcast

ഒരു ഫോൺ കോൾ. അടുത്ത ദിവസം തുടങ്ങേണ്ട റെക്കോർഡിങ്. പാടാനുള്ളത് ശ്രീനാരായണ ഗുരുദേവന്റെ കൃതികൾ. പക്ഷേ ദേവരാജൻ മാസ്റ്റർ നേരത്തെ ചിട്ടപ്പെടുത്തി റെക്കോർഡ് ചെയ്തുവച്ച കാസറ്റ് മദ്രാസിൽ നിന്ന് കൊണ്ടുവരാൻ മറന്നുപോയി.

റെക്കോർഡിങ് നീട്ടേണ്ടിവരുമെന്ന് കരുതിയ രവി മേനോനോട് മാസ്റ്റർ ചോദിച്ചത് മറ്റൊന്നായിരുന്നു—“ശ്രീനാരായണ ഗുരുദേവന്റെ സമ്പൂർണ്ണ കൃതികൾ കിട്ടാൻ വഴിയുണ്ടോ?”

പുസ്തകം എത്തി. പിന്നെ മാസ്റ്റർ സ്വന്തം ലോകത്തേക്ക്. കൃതികൾ ഓരോന്നായി വായിച്ചു, ഈണങ്ങൾ കണ്ടെത്തി, പാടി കാസറ്റിലാക്കി, നൊട്ടേഷനുകൾ കുറിച്ചു. പിറ്റേന്ന് ഗായകർ എത്തുമ്പോഴേക്കും പത്ത് ഈണങ്ങളും തയ്യാറായിരുന്നു.

അങ്ങനെ ഒരൊറ്റ രാത്രിയിൽ പിറന്ന ആ പത്ത് ഈണങ്ങളാണ് പിന്നീട് ‘ഗുരുദ്വീപം’ എന്ന ആൽബത്തിന്റെ ഭാഗമായത്. ജയചന്ദ്രൻ, എം.ജി. ശ്രീകുമാർ തുടങ്ങി നിരവധി ഗായകരുടെ ശബ്ദത്തിൽ ആ ഗാനങ്ങൾ റെക്കോർഡ് ചെയ്തു.

2005ൽ പുറത്തിറങ്ങിയ ‘ഗുരുദ്വീപം’ ദേവരാജൻ മാസ്റ്ററുടെ സംഗീത സംവിധാനത്തിൽ പുറത്തിറങ്ങിയ അവസാനത്തെ സമ്പൂർണ്ണ ഗാനസമാഹാരമായിരുന്നു.

ഒരു കാസറ്റ് മറന്നുപോയപ്പോൾ, സംഗീതചരിത്രത്തിൽ അവശേഷിച്ചത് പത്ത് ഈണങ്ങൾ.

Content Highlights: Devarajan Master composed 10 new tunes overnight for the Gurudeepam album after forgetting the original cassette in Chennai., Prominent singers like Jayachandran and M.G. Sreekumar lent their voices to the Sree Narayana Guru compositions., Gurudeepam was the final complete musical work composed by Devarajan Master before his passing in 2006.