യുഎസ്-ഇറാൻ പ്രതിനിധികൾ സ്വിറ്റ്സർലൻഡിലേക്ക്; വെടിനിർത്തൽ ലംഘിച്ച് ലെബനനിൽ ഇസ്രയേൽ ആക്രമണം
വാഷിംഗ്ടൺ: അനിശ്ചിതത്വങ്ങൾക്ക് ശേഷം ഇറാൻ-യുഎസ് അന്തിമ കരാറിനായുള്ള ആദ്യഘട്ട ചർച്ച സ്വിറ്റ്സർലൻഡിൽ നടക്കുമെന്ന് ഏതാണ്ടുറപ്പായി. ചർച്ചകൾക്കായി അമേരിക്കൻ പ്രസിഡന്റ് ഡൊണാൾഡ് ട്രംപിന്റെ പ്രത്യേക പ്രതിനിധി സംഘവും ഇറാൻ വിദേശകാര്യ മന്ത്രി അബ്ബാസ് അരാഗ്ചിയടക്കമുള്ളവരും ചർച്ചകൾക്കായി സ്വിറ്റ്സർലൻഡിലേക്ക് തിരിച്ചു. ഇസ്രയേൽ ലെബനനിൽ ആക്രമണം ശക്തമാക്കിയതിനെത്തുടർന്ന് വെള്ളിയാഴ്ച ബർഗൻസ്റ്റോക്കിൽ നടക്കേണ്ടിയിരുന്ന അന്തിമ കരാർ ചർച്ചകൾ മാറ്റിവെച്ചിരുന്നു. ഇതിനുപിന്നാലെയാണ് പുതിയ നീക്കം.
കഴിഞ്ഞ ദിവസം ഇരുരാജ്യങ്ങളും ഒപ്പുവെച്ച 14 ഇന ഇടക്കാല കരാറിനെ ഒരു ശാശ്വത സമാധാന ഉടമ്പടിയാക്കി മാറ്റാനാണ് യുഎസ് പ്രതിനിധി സ്റ്റീവ് വിറ്റ്കോഫും ഇറാൻ വിദേശകാര്യമന്ത്രി അബ്ബാസ് അരാഗ്ചിയും നേതൃത്വം നൽകുന്ന ചർച്ച ലക്ഷ്യമിടുന്നത്.ചർച്ചകൾക്കായിഎല്ലാ സൗകര്യങ്ങളും ഒരുക്കിയിയതായി സ്വിസ് വിദേശകാര്യ മന്ത്രാലയം അറിയിച്ചിട്ടുണ്ട്.
അതേസമയം, ലെബനനിൽ വെടിനിർത്തൽ പ്രാബല്യത്തിൽ വന്ന് മണിക്കൂറുകൾക്കകം ഇസ്രയേൽ നടത്തിയ വ്യോമാക്രമണങ്ങൾ സമാധാന നീക്കങ്ങളെ വീണ്ടും പ്രതിസന്ധിയിലാക്കുമോ എന്ന ആശങ്കയും നിലനിൽക്കുന്നുണ്ട്.ലെബനനിലെ വെടിനിർത്തൽ യുഎസ്-ഇറാൻ ചർച്ചകൾ തുടങ്ങുന്നതിനുള്ള പ്രധാന വ്യവസ്ഥയാണ്.ശനിയാഴ്ച തെക്കൻ ലെബനനിൽ ഇസ്രയേൽ നടത്തിയആക്രമണങ്ങളിൽ അഞ്ചുപേർ കൊല്ലപ്പെട്ടിരുന്നു. നബതിയ മേഖലയിൽ ഇസ്രയേൽ യുദ്ധവിമാനങ്ങൾ പാർപ്പിട സമുച്ചയങ്ങൾ തകർക്കുകയും പീരങ്കി ആക്രമണം നടത്തുകയും ചെയ്തതായി റിപ്പോർട്ടുകളുണ്ട്.
നിലവിൽഒപ്പുവെച്ച പ്രാഥമിക സമാധാനകരാർപ്രകാരം ലെബനനിലെ വെടിനിർത്തൽ ലംഘനങ്ങൾക്ക് അമേരിക്ക ഉത്തരവാദിയായിരിക്കുമെന്ന് ഇറാൻ വിദേശകാര്യ മന്ത്രി അബ്ബാസ് അരാഗ്ചി മുന്നറിയിപ്പ് നൽകിയിട്ടുണ്ട്. എന്നാൽ, ചർച്ചകളിൽനിന്ന് വിട്ടുനിൽക്കുന്ന ഇസ്രയേൽ തങ്ങൾ ഈ കരാറിന്റെഭാഗമല്ലെന്ന് വ്യക്തമാക്കിയിട്ടുണ്ട്.
Content Highlights: High-level US-Iran diplomatic talks initiated in Switzerland to transition a 14-point interim agreement into a permanent peace treaty., The 60-day negotiation period aims to resolve nuclear disputes and secure the Strait of Hormuz., Economic incentives include unfreezing assets and a $300 billion reconstruction fund for Iran., Ongoing Israeli airstrikes in Lebanon challenge the stability of the peace roadmap., President Trump defends the deal as a strategic move amidst Iran's economic vulnerability.