പാക് സൈന്യം സഹായിച്ചു: പഞ്ച്ശീര് പൂർണമായും പിടിച്ചെടുത്തതായി താലിബാന്
കാബൂള്: അഫ്ഗാനിസ്താനില് പ്രതിരോധ സേനയുടെ നിയന്ത്രണത്തിലുള്ള അവശേഷിക്കുന്ന ഒരേയൊരു മേഖലയായ പഞ്ച്ശീർ പ്രവിശ്യയുടെ പൂര്ണ നിയന്ത്രണം തങ്ങള് പിടിച്ചെടുത്തതായി താലിബാന് വക്താവ് സബീഹുല്ല മുജാഹിദ്.
പഞ്ച്ശീർ പ്രവിശ്യാ ഗവര്ണറുടെ കോമ്പൗണ്ട് ഗേറ്റിന് മുന്നില് താലിബാന് അംഗങ്ങള് നില്ക്കുന്ന ചിത്രങ്ങള് സമൂഹമാധ്യമങ്ങളില് പ്രചരിക്കുകയാണ്. പ്രതിരോധ സേനയുടെ തലവനായ അഹ്മദ് മസൂദ് താലിബാന്റെ അവകാശവാദത്തോട് ഇതുവരെ പ്രതികരിച്ചിട്ടില്ല.
താലിബാന് കിട്ടാക്കനിയായി നിലനിന്നിരുന്ന പാഞ്ച്ശിര് പ്രവിശ്യ പാകിസ്താന് സൈന്യത്തിന്റെ പിന്തുണയോടെയാണ് താലിബാന് പിടിച്ചെടുത്തതെന്നാണ് റിപ്പോര്ട്ടുകള്. ശക്തമായ ചെറുത്തുനില്പാണ് പഞ്ച്ശീറില് നിന്നും താലിബാന് നേരിടേണ്ടി വന്നത്. നിരവധി നാശനഷ്ടമുണ്ടായെങ്കിലും സർക്കാരുണ്ടാക്കുന്നതിന് മുന്പ് പഞ്ച്ശീർ പിടിച്ചെടുക്കാനായത് താലിബാന് വലിയ നേട്ടമാണ്.
Content Highlights: Taliban claims to have captured panjshir
Content Highlights: