ഐക്യസർക്കാരിന് ആഹ്വാനംചെയ്ത് നെതന്യാഹു; ‘തന്ത്രങ്ങൾ’ വിലപ്പോകില്ലെന്ന് ഐസൻകോട്ട്

#ന്യൂസ് ഡെസ്ക്
ബെഞ്ചമിൻ നെതന്യാഹു, ഗാഡി ഐസൻകോട്ട് | ഫോട്ടോ - എ.പി., എ.എഫ്.പി.
ബെഞ്ചമിൻ നെതന്യാഹു, ഗാഡി ഐസൻകോട്ട് | ഫോട്ടോ - എ.പി., എ.എഫ്.പി.

ജറുസലേം: ഇസ്രയേലിൽ പുതിയ സർക്കാർ രൂപവത്കരിക്കാനുള്ള ചർച്ചകൾ പുരോഗമിക്കുന്നതിനിടെ, ദേശീയ ഐക്യ സർക്കാർ രൂപവത്കരിക്കണമെന്ന ആവശ്യം ആവർത്തിച്ച് കാവൽ പ്രധാനമന്ത്രി ബെഞ്ചമിൻ നെതന്യാഹു. തിരഞ്ഞെടുപ്പിൽ പരാജയപ്പെട്ടെന്ന് ബോധ്യമായ നെതന്യാഹുവിന്റെ പുതിയ തന്ത്രമാണിതെന്ന് ആരോപിച്ച് നിയുക്ത പ്രധാനമന്ത്രി ഗാഡി ഐസൻകോട്ട് ഈ നിർദേശം തള്ളിക്കളഞ്ഞു.

ഇറാന്റെ ഭീഷണി നേരിടാനും രാജ്യസുരക്ഷ ഉറപ്പാക്കാനും ജൂത പാർട്ടികളെ ഉൾപ്പെടുത്തിയുള്ള ഐക്യസർക്കാർ അനിവാര്യമാണെന്ന് നെതന്യാഹു വീഡിയോസന്ദേശത്തിൽ പറഞ്ഞു. അറബ്-തീവ്ര യാഥാസ്ഥിതിക അംഗങ്ങൾ വിട്ടുനിൽക്കുന്നതിലൂടെ കേവലഭൂരിപക്ഷമില്ലാതെ ന്യൂനപക്ഷസർക്കാർ രൂപവത്കരിക്കാനുള്ള ഐസൻകോട്ടിന്റെ നീക്കം അപകടകരമാണെന്നും അദ്ദേഹം കുറ്റപ്പെടുത്തി.

എന്നാൽ, വീണ്ടും ചർച്ചയ്ക്ക് വിളിക്കുന്നതിലൂടെ നെതന്യാഹു ഭിന്നിപ്പുണ്ടാക്കാൻ ശ്രമിക്കുകയാണെന്ന് ഐസൻകോട്ട് തിരിച്ചടിച്ചു. ചൊവ്വാഴ്ച നടക്കുന്ന പാർലമെന്റ് സ്പീക്കർ തിരഞ്ഞെടുപ്പിൽ പ്രതിപക്ഷസ്ഥാനാർഥി മതൻ കഹാനയെ പിന്തുണയ്ക്കാൻ ലിക്കുഡ് പാർട്ടി തയ്യാറാകണമെന്നും ഐസൻകോട്ട് ആവശ്യപ്പെട്ടു.

Content Highlights: Caretaker PM Benjamin Netanyahu urges the formation of a national unity government in Israel., Designated PM Gadi Eisenkot rejects the proposal, calling it a tactic by Netanyahu., Netanyahu cites Iranian threats and national security as reasons for a broad-based government., Eisenkot accuses Netanyahu of trying to sow division and demands support for the opposition speaker candidate.