വെടിനിര്ത്തല് കരാര് ലംഘിച്ച് ഇസ്രയേല്; ഗാസയില് വ്യോമാക്രമണം, 80 മരണം
ജെറുസലേം: രണ്ടാംഘട്ട സമാധാന ചര്ച്ചകള് സ്തംഭിച്ചിരിക്കെ ഗാസയില് ഇസ്രയേല് വീണ്ടും ആക്രമണം തുടങ്ങി. ജനുവരി 19ന് വെടിനിര്ത്തല് നിലവില് വന്നതിന് ശേഷം നടന്ന ഏറ്റവും വലിയ വ്യോമാക്രമണമാണ് ഇസ്രയേല് നടത്തിയതെന്നാണ് റിപ്പോര്ട്ടുകള്. ഇസ്രയേല് നടത്തിയ വ്യോമാക്രമണത്തില് 80 പേര് കൊല്ലപ്പെട്ടു.
ഗാസയിലെ ഹമാസിന്റെ കേന്ദ്രങ്ങളെ ലക്ഷ്യമിട്ടാണ് ആക്രമണം നടത്തിയതെന്നാണ് ഇസ്രയേല് അവകാശപ്പെട്ടത്. ഗാസയില് ആക്രമണം പുനരാരംഭിച്ചെന്ന് ഇസ്രയേല് പ്രതിരോധ മന്ത്രി ഇസ്രയേല് കാറ്റ്സ് വ്യക്തമാക്കി.
ഇസ്രയേല് ഏകപക്ഷീയമായി വെടിനിര്ത്തല് കരാര് ലംഘിച്ചുവെന്ന് ഹമാസ് ആരോപിച്ചു. ബന്ദികളുടെ ഭാവി അനിശ്ചിതത്വത്തിലാക്കുന്ന നീക്കമാണ് ഇസ്രയേലിന്റെ ഭാഗത്തുനിന്നുണ്ടായതെന്നും ഹമാസ് ആരോപിക്കുന്നു. അതേസമയം ബന്ദികളെ മുഴുവന് മോചിപ്പിക്കണമെന്നാണ് ഇസ്രയേല് ആവശ്യപ്പെട്ടിരിക്കുന്നത്. ആക്രമണം കടുപ്പിക്കുമെന്നും ഇസ്രയേല് സൈന്യം വ്യക്തമാക്കി
Content Highlights: Israel launched new airstrikes in Gaza, escalating tensions after a January ceasefire.