ട്രംപിന്റെ വിശ്വസ്തന്; ചാര്ലി കിര്ക്ക് യൂട്ട വാലി സര്വകലാശാലയില് വെടിയേറ്റ് മരിച്ചു
വാഷിങ്ടണ്: വലതുപക്ഷ ആക്ടിവിസ്റ്റും അമേരിക്കന് പ്രസിഡന്റ് ഡൊണാള്ഡ് ട്രംപിന്റെ വിശ്വസ്തനുമായ ചാര്ലി കിര്ക്ക് (31) വെടിയേറ്റ് മരിച്ചു. യൂട്ട വാലി സര്വകലാശാലയില് ബുധനാഴ്ച നടന്ന ചടങ്ങിനിടെയായിരുന്നു സംഭവം. യുവജനസംഘടനയായ ടേണിങ് പോയിന്റ് യുഎസ്എയുടെ സിഇഒയും സഹസ്ഥാപകനും കൂടിയാണ് ചാര്ലി.
മരണവാര്ത്ത ഡൊണാള്ഡ് ട്രംപാണ് സാമൂഹികമാധ്യമങ്ങളിലൂടെ പുറത്തുവിട്ടത്. അമേരിക്കയിലെ യുവാക്കളുടെ ഹൃദയത്തെ ചാര്ലിയെക്കാള് മറ്റാര്ക്കും നന്നായി മനസിലാക്കാന് കഴിഞ്ഞിട്ടില്ലെന്ന് ട്രംപ് ട്രൂത്ത് സോഷ്യലില് കുറിച്ചു. വെടിവെച്ചയാളെ ഇതുവരെ അറസ്റ്റ് ചെയ്തിട്ടില്ലെന്ന് അധികൃതര് അറിയിച്ചു. സംഭവുമായി ബന്ധപ്പെട്ട് ഒരാളെ പോലീസ് കസ്റ്റഡിയിലെടുത്തിരുന്നു. എന്നാല് ഇയാള് അല്ല പ്രതിയെന്ന് പോലീസ് അറിയിച്ചു.
യൂട്ട വാലി സര്വകലാശാലയില് നടന്ന ചടങ്ങിനിടെ സംസാരിക്കുന്ന ചാര്ലിയുടെ വീഡിയോ ദൃശ്യങ്ങള് പുറത്തുവന്നിട്ടുണ്ട്. വെടിയൊച്ച മുഴങ്ങിയതിന് പിന്നാലെ കഴുത്തിന്റെ ഇടതുവശത്തുകൂടി ചോര ഒഴുകുന്നതാണ് പിന്നീട് ചടങ്ങിലുണ്ടായിരുന്നവര് കണ്ടത്. 2012-ല് 18 വയസ്സുള്ളപ്പോഴാണ് ടേണിങ് പോയിന്റ് എന്ന സംഘനയ്ക്ക് ചാര്ലിയും വില്ല്യം മോണ്ഡ്ഗോമെരിയും ചേര്ന്ന് രൂപം നല്കിയത്.
Content Highlights: charlie kirk shot dead in utah valley university