ബലൂചിസ്താനിൽ 25 പാക് സൈനികരെ കൊലപ്പെടുത്തി ബിഎൽഎ; വീഡിയോ പുറത്തുവിട്ടു

ബലൂചിസ്താൻ: ബലൂചിസ്താനിൽ വ്യത്യസ്ത ഇടങ്ങളിലായി നടത്തിയ രണ്ട് ആക്രമണങ്ങളിൽ 25 പാകിസ്താൻ സൈനികരെ വധിച്ചതായി സായുധ സംഘടനയായ ബലൂച് ലിബറേഷൻ ആർമി (BLA) അവകാശപ്പെട്ടു. ആക്രമണങ്ങളിൽ പാക് സൈന്യത്തിന്റെ മൂന്ന് വാഹനങ്ങൾ തകർത്തതായും ഇവർ പ്രസ്താവനയിൽ വ്യക്തമാക്കിയിട്ടുണ്ട്.

സൈന്യത്തിന്റെ നാല് വാഹനങ്ങളടങ്ങിയ വ്യൂഹത്തിന് നേരെ സിയാറത്ത് ക്രോസിൽ വെച്ചാണ് ബി.എൽ.എ പോരാളികൾ ആദ്യ ആക്രമണം നടത്തിയത്. ഈ ആക്രമണത്തിൽ ഒരു സൈനിക ട്രക്ക് ഉൾപ്പെടെ രണ്ട് വാഹനങ്ങൾ പൂർണ്ണമായി തകർക്കുകയും 18 സൈനികരെ വധിക്കുകയും ചെയ്തു എന്ന് ബി.എൽ.എ വക്താവ് ജീയന്ദ് ബലൂച് അറിയിച്ചു. ആക്രമണത്തിനിരയായ വാഹനവ്യൂഹത്തിൽനിന്ന് പരിക്കേറ്റ അഞ്ച് സൈനികർ ഓടിരക്ഷപ്പെട്ടതായും സൈനികരുടെ പക്കലുണ്ടായിരുന്ന ആയുധങ്ങൾ തങ്ങൾ പിടിച്ചെടുത്തതായും ബി.എൽ.എ അവകാശപ്പെടുന്നുണ്ട്. ബി.എൽ.എയുടെ കീഴിലുള്ള 'ഫത്തേ സ്‌ക്വാഡ്' ആണ് ഈ ആക്രമണം നടത്തിയത് എന്നാണ് വിശദീകരിച്ചിരിക്കുന്നത്.

ആക്രമണത്തിന്റെ ദൃശ്യങ്ങൾ ഉൾക്കൊള്ളുന്ന ഒരു മിനിറ്റും 11 സെക്കൻഡും ദൈർഘ്യമുള്ള വീഡിയോ ട്രെയിലർ തങ്ങളുടെ ഔദ്യോഗിക മാധ്യമ ചാനലായ 'ഹക്കൽ' (Hakkal) വഴി ഇവർ പുറത്തുവിട്ടിട്ടുണ്ട്. കത്തുന്ന സൈനിക വാഹനങ്ങളും മൃതദേഹങ്ങളും ആയുധങ്ങൾ പ്രദർശിപ്പിക്കുന്നതുമാണ് ഈ വീഡിയോയിലുള്ളത്.

ബലൂചിസ്താനിലെ സുറാബിലുള്ള ഹാജിക മേഖലയിലാണ് രണ്ടാമത്തെ ആക്രമണം നടന്നത്. ബി.എൽ.എയുടെ സ്‌പെഷ്യൽ ടാക്റ്റിക്കൽ ഓപ്പറേഷൻസ് സ്‌ക്വാഡ് ആണ് ഇതിന് പിന്നിൽ പ്രവർത്തിച്ചത്. സ്‌ഫോടകവസ്തുക്കൾ നിറച്ച വാഹനം റിമോട്ട് കൺട്രോൾ ഉപയോഗിച്ച് സ്‌ഫോടനം നടത്തി സൈനിക വാഹനത്തെ തകർക്കുകയായിരുന്നു. ഈ ആക്രമണത്തിൽ 7 പാക് സൈനികർ കൊല്ലപ്പെടുകയും വാഹനം പൂർണ്ണമായി നശിക്കുകയും ചെയ്തതായി സംഘടന അറിയിച്ചു.

സംഭവത്തെക്കുറിച്ചുള്ള കൂടുതൽ വിവരങ്ങൾ തങ്ങളുടെ പ്രതിവാര പ്രസ്താവനയിലൂടെ പുറത്തുവിടുമെന്ന് ബി.എൽ.എ വ്യക്തമാക്കിയെങ്കിലും, ആക്രമണങ്ങളെക്കുറിച്ചും ബി.എൽ.എയുടെ അവകാശവാദങ്ങളെക്കുറിച്ചും പാകിസ്താൻ അധികൃതർ ഇതുവരെ ഔദ്യോഗികമായി പ്രതികരിച്ചിട്ടില്ല

Content Highlights: Balooch Liberation Army (BLA) 25 in BalochistanIt was reported that soldiers were killed. At a checkpoint in Siyar, a militaryvehicle convoyand killed 18 soldiers, the BLA announced. In Surat, at the Hajj camp,were killed in the attack at the Hajj camp in Surab.. The BLA’s ‘'Fate Squad' carried out its first attack, the ‘Special Tactical O'Special Tactical Operations Squad' carried out its second attack. Pakistan has so farhad been carrying out resistance operations. The BLA has released both a video and a statementreleased.