200 രൂപകൊണ്ട് ജീവിക്കാനാവുമോ? ഞങ്ങളത് പഠിക്കുകയാണ്| കാണാമറയത്തെ ഉരുള് ജീവിതങ്ങള്
മേപ്പാടി ചൂരല്മല റോഡിലെ ദുരന്തവഴി. ഒരുവര്ഷം മുമ്പേ ഇതേ ദിനം പ്രളയഭൂമിയില് നിന്നും ജീവന്റെ തുടിപ്പുമായി അറ്റുപോയ ശരീരവുമായി എല്ലാ പ്രതീക്ഷയും അവസാനിപ്പിച്ച മൃതദേഹങ്ങളുമായി നിര്ത്താത്ത സൈറണ് മുഴക്കിക്കൊണ്ട് ആംബുലന്സുകള് ചീറിപ്പാഞ്ഞ ഒരു കുഞ്ഞ് റോഡ്. ചെളിയില് പൊതിഞ്ഞ്, കിട്ടിയ ജീവനും കൊണ്ട് എണ്ണമില്ലാത്ത വാഹനങ്ങള് ദിവസങ്ങളോളം ഒഴുകിയ ഇടം. ഒരു രാത്രി സന്തോഷത്തോടെ കിടുന്നുറങ്ങിയര് ഇരുട്ടുമാറുന്നതിന് മുമ്പെ എങ്ങോട്ടെന്നില്ലാതെ ചിതറിത്തെറിച്ചുപോയപ്പോള് ആ വഴി പിന്നീടവര് യാത്ര ചെയ്തത് കൂടെപ്പിറപ്പിനേയും ജന്മം തന്നവരേയും കുഞ്ഞുങ്ങളേയും നഷ്ടപ്പെട്ട അടങ്ങാത്ത ദുഃഖത്തോടെയായിരുന്നു, പാതിയായിപ്പോയ ശരീരവും കൊണ്ടായിരുന്നു. കുട്ടികളെ താരാട്ടുപാടി ഉറക്കിയവര്ക്ക് ബാക്കി കിട്ടിയത് തിരിച്ചറിയാനുള്ള വിരലും നഖവും മുടിയും മാത്രം. ഒരുമിച്ചുറങ്ങിയ ഉറ്റവര് വെറും അക്കങ്ങളായി മണ്ണിലൊടുങ്ങി.
Content Highlights: One year after the devastating Wayanad landslides, Mathrubhumi.com revisits the lives of survivors