ട്രംപിന്റെ ആണവ അന്തര്‍വാഹിനി ഭീഷണി റഷ്യയില്‍ വിലപ്പോവുമോ? കടലാഴങ്ങളില്‍ ആരാണ് ശക്തിമാൻ?
'യുക്രൈന്‍ യുദ്ധം അവസാനിപ്പിക്കാന്‍ റഷ്യ തയ്യാറായില്ലെങ്കില്‍ പുതിയ ഉപരോധങ്ങള്‍ ഏര്‍പ്പെടുത്താന്‍ അമേരിക്ക നിര്‍ബന്ധിതരാവും.' വെടിനിര്‍ത്തല്‍ ചര്‍ച്ചകള്‍ എങ്ങും എത്താത്ത സാഹചര്യത്തിലായിരുന്നു റഷ്യയ്‌ക്കെതിരേ ട്രംപിന്റെ ഉപരോധ ഭീഷണി. അതിരൂക്ഷമായാണ് റഷ്യ ഇതിനോട് പ്രതികരിച്ചത്. സോവിയറ്റ് യൂണിയന്റെ കാലത്തുണ്ടായിരുന്ന അതേ ശക്തിയും ആയുധങ്ങളും ആണവശേഷിയും ഇപ്പോഴും തങ്ങള്‍ക്കുണ്ടെന്ന് റഷ്യന്‍ മുന്‍ പ്രസിഡന്റ് ദിമിത്രി മെദ്വദേവ് തിരിച്ചടിച്ചു. ദിമിത്രിയുടെ മറുപടിയില്‍ പ്രകോപിതനായ ട്രംപ്, റഷ്യയുടെ അടുത്തായി രണ്ട് ആണവ അന്തര്‍വാഹിനികള്‍ വിന്യസിക്കാന്‍ ഉത്തരവിട്ടുകൊണ്ടാണ് പ്രതികരിച്ചത്. എന്നാല്‍, റഷ്യ അതിനേയും നിസ്സാരവത്കരിച്ച് തള്ളിക്കളഞ്ഞു. ട്രംപ് ഭീഷണിനാടകം തുടരുകയാണെന്നും ഇറാനോ ഇസ്രയേലോ അല്ല റഷ്യയെന്ന്‌ ഓര്‍ക്കണമെന്നാണ്‌ ദിമിത്രി മെദ്വദേവ് മറുപടി നല്‍കിയത്. അടിച്ചും തിരിച്ചടിച്ചും അമേരിക്കയും റഷ്യയും ഇടഞ്ഞുനില്‍ക്കുകയാണ്, ആണവായുധശേഷിയില്‍ മുന്‍പന്തിയിലുള്ള രണ്ട് രാജ്യങ്ങള്‍ പരസ്പരം ശീതയുദ്ധം നയിക്കുന്നത് എന്തിനാണ്? മുങ്ങിക്കപ്പലുകള്‍ വിന്യസിക്കുമെന്ന ട്രംപിന്റെ ഭീഷണി വിലപ്പോവുമോ? അതോ ട്രംപിന്റെ വെറും വാചാടോപമാണോ ഈ ഭീഷണി?
ട്രംപിന്റെ പ്രകോപനം, റഷ്യയുടേയും
Content Highlights: Tensions escalate as US Russia exchange threats amid the Ukraine war nuclear Submarine deployments