കണക്കുകൂട്ടൽ പിഴക്കുന്നു, കുർദുകളെ കളത്തിലിറക്കാൻ ട്രംപ്; ഇറാൻ കാത്തിരിക്കുന്നത് വെറുതയല്ല

യു.എസ്-ഇസ്രായേൽ സഖ്യം ഇറാനിലെ നിശ്ചിതലക്ഷ്യങ്ങളെ മാത്രം ആക്രമിച്ചു തുടങ്ങിയ യുദ്ധം അഞ്ചാം ദിനമെത്തുമ്പോൾ എതിരാളിയുടെ അന്ത്യം കാണുംവരെ നിരന്തരം പ്രഹരമേൽപ്പിക്കുന്ന വിട്ടുവീഴ്ചയില്ലാത്ത ഒന്നായി മാറിയിരിക്കുന്നു. അമേരിക്കൻ പ്രസിഡന്റ് ഡൊണാൾഡ് ട്രംപ് ആദ്യം നാല് മുതൽ അഞ്ച് ആഴ്ചകൾ മാത്രമേ യുദ്ധം നീണ്ടുനിൽക്കൂ എന്നാണ് പറഞ്ഞതെങ്കിലും, സൈനികവിദഗ്ധരും യു.എസ് സെനറ്റർമാരുമൊക്കെ മാസങ്ങളോളം നീണ്ടുനിൽക്കുന്ന ഒരു ദീർഘയുദ്ധത്തെക്കുറിച്ച് മുന്നറിയിപ്പ് നൽകുകയാണിപ്പോൾ.

ആദ്യം കരുതിയിരുന്നതിൽ നിന്നും വ്യത്യസ്തമായി യുദ്ധം നീണ്ടുപോവുന്നത് അമേരിക്കയ്ക്ക് ഹിതകരമാവില്ലെന്ന് വിദഗ്ധർ പറയുന്നു. ഇറാൻ തൊടുത്തുവിടുന്ന തുച്ഛമായ വിലയുള്ള (ഒരെണ്ണത്തിന് 20,000 ഡോളർ) ഇറാനിയൻ ഡ്രോണുകളെ തകർക്കാൻ യു.എസും ഗൾഫ് സഖ്യകക്ഷികളും ഉപയോഗിക്കുന്നത് നാലു ദശലക്ഷം ഡോളർ വിലയുള്ള പേട്രിയറ്റ് ഇന്റർസെപ്റ്ററുകളാണ്. ഇവയുടെ ശേഖരം ശോഷിക്കുകയാണെന്നും യുദ്ധം പത്തുദിവസത്തിലധികം നീണ്ടാൽ അപകടകരമാവുമെന്നും പെന്റഗൺ ട്രംപിന് മുന്നറിയിപ്പ് നൽകിയതായി റിപ്പോർട്ടുണ്ട്. പക്ഷേ, വാർത്ത നിഷേധിച്ച പ്രസിഡന്റ് ട്രംപ് അമേരിക്കയ്ക്ക് അനന്തകാലത്തോളം യുദ്ധം ചെയ്യാനുള്ള ആയുധശേഖരമുണ്ടെന്ന് അവകാശപ്പെട്ടു.

Content Highlights: Analysis of the prolonged US-Iran war and Iran's asymmetric warfare strategy., Exploration of US plans to use regional proxies like Kurdish and Baloch groups., Detailed impact on regional stability, particularly for Pakistan and India's energy security., Assessment of potential geopolitical shifts, including the redrawing of West Asia's map.