വയലിൽ വെള്ളം കയറിയത് കാണാൻ പോയി; കാൽവഴുതി വെള്ളക്കെട്ടിൽ വീണു, ചികിത്സയിലായിരുന്ന യുവാവ് മരിച്ചു

കോഴിക്കോട്: വെള്ളക്കെട്ടിൽ വീണ് ഗുരുതരാവസ്ഥയിൽ ചികിത്സയിലായിരുന്ന യുവാവ് മരിച്ചു. പെരുവയൽ കൊണാറമ്പ് സ്വദേശി സുഹൈൽ ആണ് മരിച്ചത്. ശനിയാഴ്ച രാത്രി പത്തു മണിയോടെയാണ്‌ അപകടം.

വീടിനോട് ചേർന്ന വയലിലെ വെള്ളക്കെട്ടിലാണ് സുഹൈൽ വീണത്. ചെറുപുഴ കരകവിഞ്ഞതിനെ തുടർന്ന് ഈ വയലിൽ വലിയ തോതിയിൽ വെള്ളം കയറിയിരുന്നു. ഇത് കാണാൻ സുഹൃത്തുക്കൾക്കൊപ്പം വന്നപ്പോൾ കാൽവഴുതി വയലിലെ വെള്ളക്കെട്ടിലേക്ക് വീഴുകയായിരുന്നു.

ഉടൻതന്നെ സുഹൃത്തുക്കളും നാട്ടുകാരും ചേർന്ന് രക്ഷാപ്രവർത്തനം നടത്തിയെങ്കിലും ഏറെനേരം കഴിഞ്ഞാണ് സുഹൈലിനെ കണ്ടെത്താനായത്.

ആദ്യം കോഴിക്കോട് മെഡിക്കൽ കോളേജ് ആശുപത്രിയിൽ പ്രവേശിപ്പിച്ച സുഹൈലിനെ പിന്നീട് സ്വകാര്യ ആശുപത്രിയിലേക്ക് മാറ്റിയിരുന്നു. ആരോഗ്യസ്ഥിതി വഷളായതിനെ തുടർന്ന് ചൊവ്വാഴ്ച രാവിലെയോടെയാണ് മരിച്ചത്.

Content Highlights: Tragic death of a youth named Suhail in Peruvayal, Kozhikode. Incident occurred after slipping into a flooded field near his residence. The victim was initially treated at Kozhikode Medical College Hospital. The death occurred on Tuesday morning following a fall on the previous Saturday night.