ഹൈക്കോടതിയില് വ്യാജബോംബ് ഭീഷണി; സന്ദേശമെത്തിയത് ഇ- മെയിലില്
കൊച്ചി: ഹൈക്കോടതിയില് വ്യാജബോംബ് ഭീഷണി. ചൊവ്വാഴ്ച രാവിലെ ഹൈക്കോടതിയുടെ മെയിലിലേക്ക് കോടതിപരിസരത്ത് ആര്ഡിഎക്സ് വെച്ചിട്ടുണ്ടെന്നുള്ള സന്ദേശമെത്തി. തുടര്ന്ന് പോലീസിനെ വിവരമറിയിക്കുകയായിരുന്നു. കമ്മിഷണറുടെ നിര്ദേശപ്രകാരം പോലീസും ബോംബ് സ്ക്വാഡും സ്ഥലത്തെത്തി രണ്ടുമണിക്കൂറോളം പരിശോധന നടത്തുകയും ചെയ്തു.
ഭീഷണി സാധൂകരിക്കുന്ന വിധത്തില് യാതൊന്നും കണ്ടെത്താത്ത സാഹചര്യത്തിലാണ് സന്ദേശം വ്യാജമാണെന്ന് നിഗമനത്തിലെത്തിയത്. എങ്കിലും ഹൈക്കോടതി ജീവനക്കാര്ക്ക് ജാഗ്രതാനിര്ദേശം നല്കിയിട്ടുണ്ട്. സംശയാസ്പദമായ വിധത്തില് ബാഗോ മറ്റു വസ്തുക്കളോ കണ്ടെത്തുകയാണെങ്കില് അറിയിക്കണമെന്നും പ്രത്യേകം അറിയിച്ചിട്ടുണ്ട്.
Content Highlights: A hoax bomb threat was received at Kochi High Court on Tuesday