കൊച്ചിയില് വിവിധ പ്രദേശങ്ങളില് വിദ്യാഭ്യാസ സ്ഥാപനങ്ങള്ക്ക് 2 ദിവസം അവധി; പൊതുപരീക്ഷകള് നടക്കും
കൊച്ചി: എറണാകുളം ജില്ലയില് വ്യാഴം, വെള്ളി ദിവസങ്ങളില് വടവുകോട്- പുത്തന്കുരിശ് ഗ്രാമപഞ്ചായത്ത്, കിഴക്കമ്പലം ഗ്രാമപഞ്ചായത്ത്, കുന്നത്തുനാട് ഗ്രാമപഞ്ചായത്ത്, തൃക്കാക്കര മുനിസിപ്പാലിറ്റി, തൃപ്പൂണിത്തുറ മുനിസിപ്പാലിറ്റി, മരട് മുനിസിപ്പാലിറ്റി, കൊച്ചി മുനിസിപ്പല് കോര്പ്പറേഷന് എന്നിവിടങ്ങളിലെ വിദ്യാഭ്യാസ സ്ഥാപനങ്ങള്ക്ക് അവധി പ്രഖ്യാപിച്ചു. ബ്രഹ്മപുരം മാലിന്യ പ്ലാന്റിലുണ്ടായ തീപ്പിടിത്തത്തെ തുടര്ന്നുണ്ടായ പുകയുടെ ഭീഷണി തുടരുന്നതിനാലാണ് അവധി പ്രഖ്യാപിച്ചത്.
പ്രൊഫഷണല് കോളേജ് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും അവധിയാണ്. അങ്കണവാടികള്, കിന്റര്ഗാര്ട്ടണ്, ഡേ കെയര് സെന്ററുകള് എന്നിവയ്ക്കും സര്ക്കാര്, എയ്ഡഡ്, അണ് എയ്ഡഡ്, സി.ബി.എസ്.ഇ, ഐ.സി.എസ്.ഇ. സ്കൂളുകള്ക്കും അവധി ബാധകമായിരിക്കുമെന്ന് ജില്ലാ കലക്ടര് അറിയിച്ചു. അതേസമയം, എസ്.എസ്.എല്.സി, ഹയര് സെക്കന്ഡറി പരീക്ഷ ഉള്പ്പടെ പൊതുപരീക്ഷകള്ക്ക് മാറ്റമില്ല.
Content Highlights: kochi academic institutions leave two days