കോഴിക്കോട് ജില്ലയിലെ ഹര്ത്താലുമായി സഹകരിക്കില്ലെന്ന് കേരള വ്യാപാരി വ്യവസായി ഏകോപന സമിതി
കോഴിക്കോട്: കോഴിക്കോട് ജില്ലയില് ഞായറാഴ്ച (17/11/24) പ്രഖ്യാപിച്ചിട്ടുള്ള ഹര്ത്താലുമായി സഹകരിക്കേണ്ടതില്ലെന്ന് കേരള വ്യാപാരി വ്യവസായി ഏകോപന സമിതി. ഹര്ത്താല് പ്രഖ്യാപിച്ചിട്ടുള്ള രാഷ്ട്രീയ പാര്ട്ടി അതില് നിന്ന് പിന്മാറണമെന്നും കോഴിക്കോട് ജില്ലാ കമ്മറ്റി ആവശ്യപ്പെട്ടു.
കോഴിക്കോട് ജില്ലയില് ഞായറാഴ്ച യു.ഡി.എഫാണ് ഹര്ത്താല് പ്രഖ്യാപിച്ചത്. ചേവായൂര് സഹകരണബാങ്ക് തിരഞ്ഞെടുപ്പിന് പിന്നാലെ ഉണ്ടായ സംഘര്ഷത്തേത്തുടര്ന്നാണ് ഹര്ത്താല്. ബാങ്ക് തിരഞ്ഞെടുപ്പിലുണ്ടായ സിപിഎം അതിക്രമത്തിലും പോലീസ് നിഷ്ക്രിയത്വത്തിലും പ്രതിഷേധിച്ചാണ് ഹര്ത്താലിന് ആഹ്വാനം ചെയ്തിരിക്കുന്നതെന്ന് യു.ഡി.എഫ് അറിയിച്ചു. രാവിലെ ആറ് മുതല് വൈകിട്ട് ആറ് വരെയാണ് ഹര്ത്താല്.
Content Highlights: Kerala Vyapari Vyavasayi Ekopana Samithi on Kozhikode Hartal