സവാള കിലോയ്ക്ക് 30 രൂപ; ബീന്‍സിന് വില ഇരട്ടിയായി; പച്ചക്കറി വില കുതിക്കുന്നു
ആലപ്പുഴ: ഒരാഴ്ചയ്ക്കിടെ പച്ചക്കറിവിലയില്‍ കുതിപ്പ്. ബീന്‍സിന്റെ വില ഇരട്ടിയായി. സവാള, ചെറിയ ഉള്ളി എന്നിവയ്ക്കും വില കൂടി.കഴിഞ്ഞയാഴ്ചവരെ വില കുറയുകയായിരുന്ന സവാളയുടെ വില ഇരുപതില്‍തില്‍നിന്ന് 28-30 രൂപയായി. ഒരു കിലോ ഉള്ളിക്ക് കഴിഞ്ഞയാഴ്ച 40 രൂപയായിരുന്നെങ്കില്‍ ഈയാഴ്ച 55-60 ആണ്. കോവയ്ക്ക, ബീന്‍സ്, കാരറ്റ്, പയര്‍ തുടങ്ങിയവയുടെ വിലയും ഉയര്‍ന്നു. 33 രൂപയായിരുന്ന ഏത്തപ്പഴത്തിന് 40 രൂപയായി.
കോയമ്പത്തൂരില്‍നിന്നാണ് പച്ചക്കറികള്‍ കൂടുതലയി എത്തുന്നത്. ലഭ്യത കുറയുന്നതാണ് വില കൂടാന്‍ കാരണം. എല്ലാവര്‍ഷവും ഈ സമയത്ത് പച്ചക്കറിവില കൂടാറുണ്ടെന്നു കച്ചവടക്കാര്‍ പറഞ്ഞു.
Content Highlights: Alappuzha sees a significant rise in vegetable prices this week, with beans doubling and onions & shallots becoming costlier. Find out why and what vegetables are affected.