ഡ്രൈവർ ഉറങ്ങിപ്പോയി; ഥാർ ഓട്ടോയിലിടിച്ച് അപകടം,ഓട്ടോ ഡ്രൈവർക്ക് പരിക്ക്

കണ്ണൂർ: കണ്ണൂർ മടക്കാംപൊയിലിൽ നിർത്തിയിട്ട ഓട്ടോയിൽ ഥാർ ഇടിച്ച് അപകടം. ഥാർ ഡ്രൈവർ ഉറങ്ങിപ്പോയതാണ് കാരണം. ഓട്ടോറിക്ഷ ഡ്രൈവർ രാഘവനെ പരിക്കുകളോടെ ആശുപത്രിയിൽ പ്രവേശിപ്പിച്ചു.

ശനിയാഴ്ച രാവിലെ 8 മണിക്ക് മടക്കാംപൊയിൽ പള്ളി സ്റ്റോപ്പിലായിരുന്നു അപകടം. പള്ളി സ്റ്റോപ്പിൽ പാർക്ക് ചെയ്തിരുന്ന ഓട്ടോറിക്ഷയിൽ എറണാകുളത്തു നിന്നും വന്ന ധാർ ഇടിച്ചു തെറിപ്പിക്കുകയായിരുന്നു. ഇടിയുടെ ആഘാതത്തിൽ ഓട്ടോറിക്ഷ 30 മീറ്ററോളം തെറിച്ചുവീണു.

അശാസ്ത്രിയ റോഡ് നിർമാണത്തെ തുടർന്ന് ഈ റോഡിൽ അപകടം നിത്യസംഭവമാണ്. കൊടുംവളവ് നിവർത്താതെയാണ് മെക്കാഡം റോഡ് പ്രവർത്തി നടത്തിയത്. പതിവായി ഈ വളവിൽ അപകടങ്ങൾ സംഭവിക്കാറുണ്ട്.

Content Highlights: Thar jeep hits parked autorickshaw in Madakampoyil, Kannur., Accident caused by the jeep driver falling asleep., Autorickshaw driver Raghavan injured and hospitalized., Locals complain about frequent accidents due to unscientific road construction and sharp curves.