റോഡിലേക്ക് ഓടിയ രണ്ടു വയസ്സുകാരന് കാറിടിച്ച് പരിക്ക്; ഡ്രൈവറുടെ സമയോചിത ഇടപെടൽ രക്ഷയായി

എടപ്പാൾ: എടപ്പാളിൽ കാർ തട്ടി രണ്ടു വയസുകാരന് പരിക്കേറ്റു. ഡ്രൈവറുടെ സമയോചിതമായ ഇടപെടൽ കാരണം വൻ ദുരന്തം ഒഴിവായി. കഴിഞ്ഞ ദിവസം എടപ്പാൾ പടിഞ്ഞാറങ്ങാടിയിലായിരുന്നു സംഭവം.

ചങ്ങരംകുളം പള്ളിക്കര സ്വദേശിയായ റാഷിദിന്റെ മകനാണ് അപകടത്തിൽപ്പെട്ടത്. ഉമ്മയുമൊത്ത് പടിഞ്ഞാറങ്ങാടിയിലെ കടയിൽ സാധനങ്ങൾ വാങ്ങുന്നതിനിടെ കുട്ടി പെട്ടെന്ന് റോഡിലേക്ക് ഓടുകയായിരുന്നു. അപകടത്തിൽ കുട്ടിയുടെ വലതുകാലിന് പൊട്ടലുണ്ട്.