ബര്ലിന് കുഞ്ഞനന്തന് നായരുടെ നിര്യാണത്തില് മുഖ്യമന്ത്രിയും പ്രതിപക്ഷ നേതാവും അനുശോചിച്ചു
തിരുവനന്തപുരം: സാര്വ്വദേശീയതലത്തില് പ്രവര്ത്തിച്ച മുതിര്ന്ന പത്രപ്രവര്ത്തകനും കമ്മ്യൂണിറ്റ് പാര്ട്ടിയുടെ ആദ്യകാല പ്രവര്ത്തകനുമായ ബര്ലിന് കുഞ്ഞനന്തന് നായരുടെ നിര്യാണത്തില് മുഖ്യമന്ത്രി പിണറായി വിജയന് അനുശോചനം രേഖപ്പെടുത്തി. കിഴക്കന് ജര്മ്മനിയുടെയും സോഷ്യലിസ്റ്റ് ബ്ലോക്കിന്റെയും വിശേഷങ്ങള് ലോകത്തെ അറിയിക്കാന് പതിറ്റാണ്ടുകള് ചെലവഴിച്ച വ്യക്തിയായിരുന്നു അദ്ദേഹമെന്ന് മുഖ്യമന്ത്രി അനുശോചന സന്ദേശത്തില് പറഞ്ഞു.
ബര്ലിന് കുഞ്ഞനന്തന് നായരുടെ നിര്യാണത്തില് പ്രതിപക്ഷ നേതാവ് വി.ഡി. സതീശനും അനുശോചിച്ചു. പത്രപ്രവര്ത്തകനായിരുന്ന ബര്ലിന് കുഞ്ഞനന്തന് നായര് ഇഎംഎസിന്റെ പൊളിറ്റിക്കല് സെക്രട്ടറിയായാണ് കേരള രാഷ്ട്രീയത്തിന്റെ ഭാഗമായത്. അദ്ദേഹം എഴുതിയ ഒളിക്യാമറകള് പറയാത്തത്, പൊളിച്ചെഴുത്ത് എന്നീ രണ്ട് പുസ്തകങ്ങളും രാഷ്ട്രീയ ചരിത്രാന്വേഷികള്ക്ക് വഴികാട്ടിയാണ്. കുടുംബാംഗങ്ങളുടെയും സുഹൃത്തുക്കളുടെയും ദുഃഖത്തില് പങ്ക് ചേരുന്നുവെന്നും സതീശന് പറഞ്ഞു.
ബര്ലിന് കുഞ്ഞനന്തന് നായരുടെ നിര്യാണത്തില് തദ്ദേശ സ്വയംഭരണ വകുപ്പ് മന്ത്രി എം.വി ഗോവിന്ദന് അനുശോചിച്ചു. വ്യക്തിപരമായി അദ്ദേഹവുമായി അടുത്ത ബന്ധം കാത്തുസൂക്ഷിച്ചിരുന്നുവെന്നും അടുത്ത ദിവസവും അദ്ദേഹവുമായി ദീര്ഘനേരം നേരില് സംസാരിച്ചിരുന്നുവെന്നും അദ്ദേഹം പറഞ്ഞു. സഖാവിന്റെ വിയോഗത്തില് അഗാധമായ ദു:ഖം രേഖപ്പെടുത്തുന്നുവെന്നും അദ്ദേഹം കൂട്ടിച്ചേര്ത്തു.
Content Highlights: Chief Minister and opposition leader condoled the demise of Berlin Kunjananthan Nair