റദ്ദാക്കിയത് പുനഃസ്ഥാപിക്കും; യുഡിഎഫ് കാലത്തെ വൈദ്യുതി കരാറിലേക്ക് മടങ്ങാന് മന്ത്രിസഭാ തീരുമാനം
തിരുവനന്തപുരം: എല്ഡിഎഫ് സര്ക്കാര് റദ്ദാക്കിയ 465 മെഗാവാട്ട് വൈദ്യുതി കരാര് പുനഃസ്ഥാപിക്കാന് മന്ത്രിസഭാ യോഗം തീരുമാനിച്ചു. മൂന്ന് കമ്പനികളുമായി ഉണ്ടായിരുന്ന കരാര് മേയ് മാസത്തിലാണ് സര്ക്കാര് തീരുമാനത്തിന്റെ ഭാഗമായി റഗുലേറ്ററി കമ്മിഷന് റദ്ദാക്കിയത്.
2015-ല് യുഡിഎഫ് സര്ക്കാരിന്റെ കാലത്തുണ്ടായിരുന്ന കരാറാണിത്. ശരിയായ അനുമതികളില്ലാതെ ഉണ്ടാക്കിയ കരാറാണെന്ന് ചൂണ്ടിക്കാട്ടിയായിരുന്നു ഇത് റദ്ദാക്കിയത്.
എന്നാല് വില കുറഞ്ഞ ഈ ദീര്ഘകാല കരാറുകള് റദ്ദാക്കി പുതിയ കരാറിന് ശ്രമിച്ചപ്പോഴാണ് മഴ കുറഞ്ഞ് സംസ്ഥാനത്ത് വൈദ്യുതി പ്രതിസന്ധി രൂക്ഷമായത്. മറ്റ് കമ്പനികളില് നിന്ന് ടെന്ഡര് ക്ഷണിച്ചപ്പോള് പഴയ കരാറിനെക്കാള് വലിയ തുകയാണ് അവര് മുന്നോട്ട് വച്ചത്. അതോടെ വൈദ്യുതി ബോര്ഡിന് പുനര്വിചിന്തനം ഉണ്ടായി റദ്ദാക്കിയ കരാര് പുനഃസ്ഥാപിക്കാന് സര്ക്കാര് അനുമതി തേടുകയായിരുന്നു
കരാറുകള് നേരത്തെ ചട്ടലംഘനത്തിന്റെ പേരിലാണ് റഗുലേറ്ററി കമ്മിഷന് റദ്ദാക്കിയത്. സര്ക്കാരിന്റെ ഉന്നതതല സമിതിയും കരാറുകള് റദ്ദാക്കണമെന്ന നിലപാട് സ്വീകരിച്ചിരുന്നു.
Content Highlights: Cabinet meeting decided to restore the canceled UDF-era electricity contract