കോട്ടയത്ത് കടന്നൽക്കുത്തേറ്റ് 108 വയസ്സുകാരിയും മകളും മരിച്ചു; രണ്ടുപേർ ചികിത്സയിൽ

എരുമേലി: 108 വയസുള്ള വയോധികയും മകളും കടന്നലുകളുടെ കുത്തേറ്റ് മരിച്ചു. പാക്കാനം കാവനാല്‍ കുഞ്ഞുപെണ്ണ് നാരായണനും ഇവരുടെ മകൾ കെ. എൻ. തങ്കമ്മയും (80) ആണ് മരിച്ചത്. മറ്റു രണ്ടുപേർ ആശുപത്രിയിൽ ചികിത്സയിലാണ്. ചൊവ്വാഴ്ച വൈകീട്ട് നാലുമണിയോടെയാണ് സംഭവമുണ്ടായത്. 

ചികിത്സയിലിരിക്കെ ബുധനാഴ്ച രാവിലെയോടെയാണ് കുഞ്ഞുപെണ്ണ് മരിച്ചത്. ഉച്ചയോടെ തങ്കമ്മയും മരിച്ചു. പരിക്കേറ്റ വീട്ടിലെ സഹായി ജോയി (75), അയല്‍വാസി ശിവദര്‍ശന്‍ (24) എന്നിവരെ മുണ്ടക്കയം മെഡിക്കല്‍ ട്രസ്റ്റ് ആശുപത്രിയില്‍ പ്രവേശിപ്പിച്ചു.

Content Highlights: Bee stings old age woman dies