സി.പി.എം നയം മാറ്റം തന്നെ ക്ഷമാപണം; മര്ദനമേറ്റതില് സങ്കടമില്ല - ടി.പി ശ്രീനിവാസന്
''പുഷ്പനെ അറിയാമോ
ഞങ്ങടെ പുഷ്പനെ അറിയാമോ
സഖാവിനെ അറിയാമോ
ആ രണഗാഥ അറിയാമോ'' എന്ന വിപ്ലവ ഗാനം കേരളത്തിലെ സി.പി.എം പരിപാടികളിലെല്ലാം നിറഞ്ഞ് കേള്ക്കാറുണ്ട്. സ്വാശ്രയ സമര പോരാളി, കൂത്തുപറമ്പ് വെടിവെപ്പിന്റെ ജീവിക്കുന്ന രക്തസാക്ഷി, പുഷ്പനെ കുറിച്ചുള്ളതാണ് ഇന്നും അണികളില് ആവേശം പടര്ത്തുന്ന ഈ വിപ്ലവ ഗാനം. ഇതിവിടെ പരാമര്ശിച്ചതിന്റെ കാരണം സ്വാശ്രയ നയത്തിനെതിരേ പോരാടി പോലീസിന്റെ വെടിയേറ്റ് നട്ടെല്ല് തകര്ന്ന് പുഷ്പന് എന്ന ജീവിക്കുന്ന രക്തസാക്ഷിയുള്ള ഒരു പാര്ട്ടിയുടെ സര്ക്കാര് സ്വകാര്യ വിദേശ സര്വകലാശാലകള്ക്ക് അനുമതി നല്കാമെന്ന് ബജറ്റില് തന്നെ പ്രഖ്യാപിച്ചിന്റെ പശ്ചാത്തലത്തിലാണ്. പാര്ട്ടി നയത്തിന് വിരുദ്ധമായി ബജറ്റില് പ്രഖ്യാപനമുണ്ടായതോടെ പാർട്ടിയുടെ വിദ്യാര്ഥി സംഘടനയായ എസ്.എഫ്.ഐ തന്നെ ഇതിനെതിരെ രംഗത്ത് വന്നിട്ടുണ്ടെങ്കിലും സ്വകാര്യ വിദേശ സര്വകലാശാലകളെ സ്വാഗതം ചെയ്യുകയാണ് കേരളത്തിലെ സി.പി.എം നേതൃത്വം.
ഉന്നതവിദ്യാഭ്യാസ മേഖലയില് സ്വകാര്യ സര്വകലാശാലകളെ ക്ഷണിച്ചുകൊണ്ടുള്ള ആഗോളവിദ്യാഭ്യാസ കോണ്ഫറന്സിന് നേതൃത്വം നല്കിയ ടി.പി. ശ്രീനിവാസനെന്ന മുന് ഐ.എഫ്.എസ്. ഉദ്യോഗസ്ഥനെ തെരുവില് എസ്.എഫ്.ഐ. വിദ്യാര്ഥികള് കൈകാര്യം ചെയ്യുന്നതിന് പോലും കേരളം മുമ്പ് സാക്ഷിയാകേണ്ടി വന്നു. തിരുവനന്തപുരത്ത് വെച്ച് 2016 ജനുവരി 29 നായിരുന്നു സംഭവം. ഒടുവില് അന്നത്തെ സി.പി.എം. ജില്ലാ സെക്രട്ടറി കടകംപള്ളി സുരേന്ദ്രനടക്കമുള്ളവര്ക്ക് ടി.പി. ശ്രീനിവാസനോട് ക്ഷമ ചോദിക്കേണ്ടിയും വന്നു. സംഭവം എട്ടാം വര്ഷത്തിലേക്ക് കടക്കുമ്പോള് വിദ്യാഭ്യാസ നിലവാരം മെച്ചപ്പെടുത്താന് സഹായകരമാണെങ്കില് വിദേശ സര്വകലാശാലയ്ക്ക് അനുമതി നല്കുമെന്ന് ബജറ്റില് തന്നെ പ്രഖ്യാപിച്ചിരിക്കുകയാണ് എല്.ഡി.എഫ്. ഈയൊരു സാഹചര്യത്തില് ടി.പി. ശ്രീനിവാസന് മാതൃഭൂമി ഡോട്ട്കോമിനോട് പ്രതികരിക്കുകയാണ്.
Content Highlights: TP Sreenivasan about International Universities