'ബ്രേക്ക് ശരിയാക്കാന് പറ്റിയില്ല, അതുകൊണ്ട് ഹോണിന്റെ ശബ്ദം കൂട്ടി'-പരിഹസിച്ച് തരൂര്
ന്യൂഡല്ഹി: കേന്ദ്ര ബജറ്റിനെ രൂക്ഷമായി പരിഹസിച്ച് കോണ്ഗ്രസ് എം.പി. ശശി തരൂര്. ട്വിറ്ററിലൂടെയാണ് അദ്ദേഹത്തിന്റെ പ്രതികരണം.
ഈ ബി.ജെ.പി സര്ക്കാര് എന്നെ ഓര്മിപ്പിക്കുന്നത, ബ്രേക്ക് ശരിയാക്കാന് സാധിക്കാത്തതുകൊണ്ട് ഹോണിന്റെ ശബ്ദം കൂട്ടിയിട്ടുണ്ടെന്ന് ഉപഭോക്താവിനോടു പറഞ്ഞ ഗാരേജ് മെക്കാനിക്കിനെയാണ്- എന്നായിരുന്നു തരൂരിന്റെ ട്വീറ്റ്.
ആരോഗ്യ-കാര്ഷിക മേഖലകള്ക്ക് ഊന്നല് നല്കിയ ബജറ്റില് ഇന്ഷുറന്സ് മേഖലയില് വിദേശ നിക്ഷേപ പരിധി 75% ആയി ഉയര്ത്തി. കൂടാതെ പെട്രോള്, ഡീസല്, സ്വര്ണം, വെള്ളി തുടങ്ങിയവയ്ക്കു മേല് കാര്ഷിക സെസും ഏര്പ്പെടുത്തി. ഒമ്പതു ശതമാമായി ഉയര്ന്ന ധനക്കമ്മി 6.8 ശതമാനമായി കുറയ്ക്കാനുള്ള ശ്രമമാണ് സര്ക്കാര് നടത്തുന്നത്. ഇതിന്റെ ഭാഗമായി ഓഹരി വിറ്റഴിക്കല്, കടമെടുക്കല് തുടങ്ങിയവയും നടപ്പാക്കും.
content highlights: shashi tharoor mp takes a dig at union government budget
Content Highlights: