അഭിമാനം തോന്നുന്നു; പ്രിയങ്കയ്ക്ക് അഭിനന്ദനവുമായി രാഹുൽ ഗാന്ധി

കോഴിക്കോട്: വയനാട് ലോക്സഭാ മണ്ഡലം ഉപതിരഞ്ഞെടുപ്പിൽ വിജയിച്ച പ്രിയങ്കാ ​ഗാന്ധിക്ക് അഭിനന്ദനവുമായി രാഹുൽ ​ഗാന്ധി. വയനാട്ടിലെ തന്റെ കുടുംബം പ്രിയങ്കയിൽ വിശ്വാസമർപ്പിച്ചതിൽ അഭിമാനം തോന്നുന്നുവെന്ന് രാഹുൽ പറഞ്ഞു.

വയനാട്ടിൽ പുരോ​ഗതിയും സമൃദ്ധിയും എത്തിക്കാൻ ധൈര്യത്തോടെയും അനുകമ്പയോടെയും അചഞ്ചലമായ അർപ്പണബോധത്തോടെയും പ്രിയങ്ക നയിക്കുമെന്ന് തനിക്കറിയാമെന്നും രാഹുൽ എക്സിൽ പങ്കുവെച്ച പോസ്റ്റിൽ പറഞ്ഞു. 

വിജയത്തിന് പിന്നാലെ രണ്ടുദിവസത്തിനകം വയനാട്ടിലെത്തുമെന്ന് പ്രിയങ്ക ​ഗാന്ധി അറിയിച്ചു. 2024 ലെ ലോക്‌സഭാ തിരഞ്ഞെടുപ്പില്‍ രാഹുല്‍ഗാന്ധി നേടിയ ഭൂരിപക്ഷത്തെ മറികടന്നാണ് പ്രിയങ്കയുടെ വിജയം. 4,10,931 എന്ന മഹാഭൂരിപക്ഷമാണ് പ്രിയങ്കയ്ക്ക് ലഭിച്ചത്.

Content Highlights: Rahul Gandhi congratulates Priyanka Gandhi on her Wayanad by-election victory