പ്രധാനമന്ത്രിയുടെ 76-ാം ജന്മദിനം ഇന്ന്; സേവാ ദിവസ് ആചരിക്കാൻ ബി.ജെ.പി.

ന്യൂഡൽഹി : പ്രധാനമന്ത്രി നരേന്ദ്രമോദിയുടെ 76-ാം ജന്മദിനമായ വ്യാഴാഴ്ച ബി.ജെ.പി. രാജ്യവ്യാപകമായി സേവാ ദിവസ് ആയി ആചരിക്കും. മുഖ്യമന്ത്രി, പ്രധാനമന്ത്രി എന്നീ നിലകളിൽ മോദി 25 വർഷം പൂർത്തിയാക്കുന്നതിന്റെ ഭാഗമായി സേവാ സങ്കൽപ്പ് അഭിയാന് ബി.ജെ.പി. വ്യാഴാഴ്ച തുടക്കം കുറിക്കും.

ക്ഷേമ, സേവന പ്രവർത്തനങ്ങളാണ് ഒരുമാസം നീണ്ടുനിൽക്കുന്ന സേവാ സങ്കൽപ്പ് അഭിയാനിലൂടെ പാർട്ടി സംഘടിപ്പിക്കുന്നത്. വ്യാഴാഴ്ച ഡൽഹി ദീൻദയാൽ ഉപാധ്യായ മാർഗിലെ ബി.ജെ.പി. ദേശീയ ആസ്ഥാനത്ത് രക്തദാന ക്യാമ്പ് ദേശീയ അധ്യക്ഷൻ നിതിൻ നബിൻ ഉദ്ഘാടനം ചെയ്യും. മോദിയുടെ ജന്മദേശമായ ഗുജറാത്തിലെ വഡ്നഗറിൽ വ്യാഴാഴ്ച നടക്കുന്ന മഹാ ആരതിയിൽ കേന്ദ്ര ആഭ്യന്തര മന്ത്രി അമിത് ഷാ പങ്കെടുക്കും.

വഡ്നഗറിൽനിന്ന് വാരാണസിയിലേക്ക് പദയാത്രയും വാരാണസിയിൽനിന്ന് വഡ്നഗറിലേക്ക് ബൈക്ക് റാലിയും ഉണ്ടാകും. രാജ്യത്തെ 500 കേന്ദ്രങ്ങളിൽ 'ആശിർവാദ് കാ ദിയ' തെളിയിക്കും.

Content Highlights: Prime Minister Narendra Modi marks his 76th birthday and 25 years in governance., BJP observes Sewa Divas and launches a month-long Sewa Sankalp Abhiyan., Blood donation camps, grand aarti in Vadnagar, and padyatras planned nationwide., Events led by top leaders including BJP National President Nitin Nabin and Amit Shah.