വി.മുരളധീരന് സ്വതന്ത്ര ചുമതലയില്ല; അനുരാഗ് താക്കൂറടക്കം മൂന്ന് സഹമന്ത്രിമാര്‍ക്ക് പ്രമോഷന്‍
ന്യൂഡല്‍ഹി: രണ്ടാം മോദി സര്‍ക്കാരിന്റെ ആദ്യ പുനഃസംഘടനയില്‍ മൂന്ന് സഹമന്ത്രിമാരെ സ്ഥാനമുയര്‍ത്തി സ്വതന്ത്ര ചുമതല നല്‍കി. ധനകാര്യ സഹമന്ത്രിയായ അനുരാഗ് താക്കൂര്‍, ആഭ്യന്തര സഹമന്ത്രിയായ ജി.കിഷന്‍ റെഡ്ഡി, കൃഷി സഹമന്ത്രി പുരുഷോത്തം രുപാല എന്നിവര്‍ക്കാണ് സ്വതന്ത്ര ചുമതല നല്‍കുക.
പുതുയായി ചുമതലയേല്‍ക്കുന്ന മറ്റു മന്ത്രിമാര്‍ക്കൊപ്പം ഇവര്‍ക്കും രാഷ്ട്രപതി ഭവനിലേക്ക് ക്ഷണം ലഭിച്ചിട്ടുണ്ട്.
ഇതിനിടെ വിദേശകാര്യ സഹമന്ത്രി വി.മുരളീധരന് സ്വതന്ത്ര ചുമതല ലഭിച്ചേക്കുമെന്ന് റിപ്പോര്‍ട്ടുകളുണ്ടായിരുന്നെങ്കിലും അദ്ദേഹത്തിന്റെ പേര് ലിസ്റ്റിലില്ല.
പുതുതായി ചുമതലയേല്‍ക്കുന്ന മന്ത്രിമാര്‍ നിലവില്‍ പ്രധാനമന്ത്രി നരേന്ദ്ര മോദിയുമായി അദ്ദേഹത്തിന്റെ വസതിയില്‍ കൂടിക്കാഴ്ച നടത്തുകയാണെന്നാണ് വിവരം. ആഭ്യന്തര മന്ത്രി അമിത് ഷായടക്കമുള്ളവരും ഇവിടെയുണ്ട്. വൈകീട്ട് ആറ് മണിക്ക് രാഷ്ട്രപതി ഭവനിലാണ് സത്യപ്രതിജ്ഞ.
Content Highlights: