സിആർപിഎഫ് ക്യാമ്പ് ആക്രമണവുമായി ബന്ധമുള്ള രണ്ട് ലഷ്‌കർ ഭീകരരെ സുരക്ഷാ സേന ഏറ്റുമുട്ടലിൽ വധിച്ചു

#ന്യൂസ് ഡെസ്ക്
കുല്‍ഗാമില്‍ സുരക്ഷയിലുള്ള ഉദ്യോഗസ്ഥര്‍ |ഫോട്ടോ:ANI
കുല്‍ഗാമില്‍ സുരക്ഷയിലുള്ള ഉദ്യോഗസ്ഥര്‍ |ഫോട്ടോ:ANI

ശ്രീനഗർ: കഴിഞ്ഞ ആഴ്ച സിആർപിഎഫ് ക്യാമ്പിനു നേരെ നടന്ന ഭീകരാക്രമണവുമായി ബന്ധമുള്ള ലഷ്‌കർ ഭീകരൻ ലത്തീഫ് ഭട്ടും അയാളുടെ സഹായിയേയും സുരക്ഷാ സേന വധിച്ചു. ജമ്മു കശ്മീരിലെ കുൽഗാമിൽ നടന്ന ഏറ്റുമുട്ടലിലായിരുന്നു ഇരുവരും കൊല്ലപ്പെട്ടത്.

നവംബർ 11-ന് കുൽഗാമിലെ മിർ ബസാറിനു സമീപമുള്ള സെൻട്രൽ റിസർവ് പോലീസ് സേനയുടെ (സി.ആർ.പി.എഫ്) പോസ്റ്റിന് നേരെ രണ്ട് ഭീകരർ വെടിയുതിർക്കുകയും മൂന്ന് ജവാന്മാർക്ക് പരിക്കേൽക്കുകയും ചെയ്തിരുന്നു. ഒരു ജവാന്റെ നില ഗുരുതരമാണ്. വെടിയുതിർത്ത ശേഷം ഭീകരർ പിന്നീട് വനമേഖലയിലേക്ക് കടന്നുകളയുകയായിരുന്നു.

കുൽഗാം ആക്രമണം നടന്ന് 24 മണിക്കൂറിനുള്ളിൽ കിഷ്ത്വാർ ജില്ലയിൽ ഭീകരർ ബാബി ചന്ദ്, യാശ്പാൽ കുമാർ എന്നീ രണ്ട് സ്‌പെഷ്യൽ പോലീസ് ഓഫീസർമാരെ കൊലപ്പെടുത്തുകയും ചെയ്തിരുന്നു.

Content Highlights: Lashkar terrorist Latief Bhat and his accomplice killed in Kulgam encounter, Encounter linked to the recent CRPF camp attack in Mir Bazar, Three CRPF jawans were injured in the November 11 attack