ബാങ്ക് തട്ടിപ്പ് കേസില് ജെറ്റ് എയര്വേസ് മേധാവി നരേഷ് ഗോയലിനെ ഇ.ഡി. അറസ്റ്റ് ചെയ്തു
ന്യൂഡല്ഹി: ജെറ്റ് എയര്വേസ് സ്ഥാപകന് നരേഷ് ഗോയലിനെ എന്ഫോഴ്സ്മെന്റ് ഡയറക്ടറേറ്റ് അറസ്റ്റ് ചെയ്തു. 538 കോടിയുടെ ബാങ്ക് തട്ടിപ്പ്-കള്ളപ്പണം വെളുപ്പിക്കല് കേസിലാണ് അറസ്റ്റെന്നാണ് വിവരം.
മുംബൈയിലെ ഇഡി ഓഫീസില് നീണ്ട ചോദ്യം ചെയ്യലിന് ശേഷം കള്ളപ്പണം വെളുപ്പിക്കല് നിരോധന നിയമം (പിഎംഎല്എ) പ്രകാരമാണ് ഗോയലിനെ കസ്റ്റഡിയിലെടുത്തത്.
ശനിയാഴ്ച 74-കാരനായ ഗോയലിനെ കോടതിയില് ഹാജരാക്കും. കനറാ ബാങ്കില് 538 കോടിയുടെ തട്ടിപ്പ് നടത്തിയെന്നാരോപിച്ച് സിബിഐ രജിസ്റ്റര് ചെയ്ത കേസിലെ റിപ്പോര്ട്ടിലാണ് കള്ളപ്പണ ആരോപണം ഉയര്ന്നത്. ഗോയലിന്റെ ഭാര്യ അനിതയ്ക്കും കമ്പനിയിലെ ചില മുന് എക്സിക്യുട്ടീവുകള്ക്കെതിരെയും സിബിഐ കേസുണ്ട്.
Content Highlights: Jet Airways Founder Naresh Goyal Arrested In ₹ 538 Crore Alleged Bank Fraud Case